影片
更多
2019-09-05
41 浏览
话说就嚟到中秋，所以一早就book咗位同屋企人提早去食餐饭庆祝！始终屋企有老人家都钟意食中菜，今次就拣咗呢间位于铜锣湾嘅高级江南菜馆试试。呢间 张生记 其实只系新开咗无耐，见佢哋嘅装修都好靓好典雅！两老上到去都赞话座位好舒服👍🏻中菜馆嚟讲，呢度嘅环境真系赢哂！就连餐具都set得好靓！先嚟上咗个「西湖桂花藕」开头我仲以为呢个系咸食，点知食落原来系甜甜哋，松软嘅莲藕包住啲烟烟韧韧嘅糯米，真系好过瘾，口感好特别！「捞汁海蜇头」呢款食落个口感同以住其他地方食开嘅海蜇感觉好唔同，通常出面嘅都系好味精又淋身，而呢度嘅海蜇食落系好爽脆，而且个味道好开胃，配埋啲青瓜食，成个感觉好清新！之后呢款就特别啦！「秘制双拼」而呢双拼分别就系墨鱼肠 & 自家制鱼片一上菜已经觉得好神秘，灰黑色嘅腊肠咁样，到底会系咩味道😂原来墨鱼肠系甜甜哋，又带啲墨鱼鲜香嘅！肥瘦均匀，口感好正！自家制嘅鱼片同样好出色，食嘅时候仲系微温，食落非常香口！之后重头戏就嚟啦！呢个张生记招牌嘅「老鸭煲」果然有料！用咗原只大大只500天以上嘅中华绿头母鸭嚟到去熬制！而且仲食到好多其他食材，好似有金华火腿、笋干等等...饮落真系好鲜甜😍啖啖精华！
始终屋企有老人家都钟意食中菜，今次就拣咗呢间位于铜锣湾嘅高级江南菜馆试试。
呢间 张生记 其实只系新开咗无耐，见佢哋嘅装修都好靓好典雅！两老上到去都赞话座位好舒服👍🏻中菜馆嚟讲，呢度嘅环境真系赢哂！
就连餐具都set得好靓！
先嚟上咗个「西湖桂花藕」
开头我仲以为呢个系咸食，点知食落原来系甜甜哋，松软嘅莲藕包住啲烟烟韧韧嘅糯米，真系好过瘾，口感好特别！
「捞汁海蜇头」
呢款食落个口感同以住其他地方食开嘅海蜇感觉好唔同，通常出面嘅都系好味精又淋身，而呢度嘅海蜇食落系好爽脆，而且个味道好开胃，配埋啲青瓜食，成个感觉好清新！
之后呢款就特别啦！「秘制双拼」
而呢双拼分别就系
墨鱼肠 & 自家制鱼片
一上菜已经觉得好神秘，灰黑色嘅腊肠咁样，到底会系咩味道😂原来墨鱼肠系甜甜哋，又带啲墨鱼鲜香嘅！肥瘦均匀，口感好正！
自家制嘅鱼片同样好出色，食嘅时候仲系微温，食落非常香口！
之后重头戏就嚟啦！呢个张生记招牌嘅「老鸭煲」果然有料！用咗原只大大只500天以上嘅中华绿头母鸭嚟到去熬制！而且仲食到好多其他食材，好似有金华火腿、笋干等等...饮落真系好鲜甜😍啖啖精华！
同埋呢度嘅职员非常细心，帮我哋每人分汤嘅时候，都不忘分埋啲汤渣！一边饮一边食。超正💕
除此之外，仲叫咗个「杭州东坡肉」配埋个「蝴蝶夹」
个人嚟讲其实好少会食类似嘅菜式，因为始终怕肥嘛😂
但呢款真系真系好好食，因为有个蝴蝶夹(即系包)夹住旧肉，啱啱好中和返，食落肥而不腻，肉质仲好松香添😋
食到咁上下就嚟埋个主食，「葱油拌面」
呢款面同而家好Hit嘅台式葱油拌面都有好大分别，呢度嘅面底比较粗身，口感咬落非常烟韧！而且个捞汁非常浓郁，油份又啱啱好！忍唔住食完一啖又一啖！
最尾决定叫多个甜品，满足埋第二个胃。不过老人家唔钟意食太甜，所以叫咗个「酒酿丸子」，食落带咸香又有淡淡酒香，丸子吸收左糖水嘅精华，咬落先系酒味嘅甘醇再慢慢深返丸子嘅甜味出嚟！真系超过瘾！
成餐饭觉得好满足，两老们都表示好满意！
坐得舒服，嘢有好食，店员全部都好有礼貌！以后家人聚餐，又多一个好选择啦🥰
2 浏览
0 赞好
0 留言
3 浏览
0 赞好
0 留言
0 浏览
0 赞好
0 留言
2 浏览
0 赞好
0 留言
2 浏览
0 赞好
0 留言
3 浏览
0 赞好
0 留言
1 浏览
0 赞好
0 留言
10 浏览
0 赞好
0 留言
6 浏览
0 赞好
0 留言
0 浏览
0 赞好
0 留言
张贴
