音樂人家 (已結業)

本来想黎食饭好耐，不过成日被人包场，所以而家先帮衬到。楼上舖通常都唔会有期望，不过今次真的跌眼镜，地方好宽阔唔会逼，台好少（咁赚唔到乜钱），个日客人唔多只有几台，全部都唔系个的hea友，好斯文，唔嘈。原来有人唱歌，音乐同歌声唔会太大声，几好。唱的歌中英都有，好有水准（应该讲好有水准），原来个歌手系以前出过好几好张唱片，系电视台都经常表演架，不过个时我仲未出世。讲番的食物种类都好多选择，我地三个人叫左两个小菜，咕噜班球同埋京都骨，再叫个焗猪扒饭，份量够味道出奇地好，食咁多次楼上cafe都数依度最有水准啰。当然又唔系好都不得了，可能因为无期望所以好满意啦，总之真系同一般小食肆唔同，值得一试。坐左几粒钟，真系几舒服，尤其是可以轻松同朋友倾偈唔会嘈，己经系抵到极啦。钟意静局食饭既一定好钟意依度，我话架！