小瑪哥米線

营业中

休息中

今日去完按摩，懒懒地唔想去买嘢煮嘢食，打算叫外卖，谂起小玛哥，之前都想试食，一于就叫佢。上网落单大概半个钟就到，嚟到啲嘢都仲系热嘅°我叫咗金牌三宝米线，要咗小辣，配料有炸猪扒，爽口大虾球，同埋辣肉酱，小食就叫咗辣味金奖凉白肉，同昭通酱鸡翼，饮品我就叫咗咸柠七，解吓热气，另外甜品就试吓佢𠮶个玫瑰冰冰粉°首先讲碗米线先，要咗小辣，其实一啲都唔辣但好够味，猪扒嚟到可能时间关系，淋咗少少，肉质一般，有少少嚡，炸酱就一嚿嚿肉碎黐埋一齐，好够味，大虾球就真系好爽口弹牙，个昭通酱鸡翼，炸得好香口个酱汁好似面豉酱蒜蓉加埋一齐，好特别，另外金牌凉白肉就一般，薄切腩肉略嫌太肥，咸柠七就唔使多讲＇玫瑰冰冰粉有少少桂花味，甜甜地用嚟解辣一流。