貴緣小鍋米線

营业中

休息中

最近有间红磡人气米线店搬咗去大角咀，空间大咗，座位阔落咗，食物价钱同质素依然无变到，仲有几款新菜式添。同朋友各自要咗一碗面，招牌酸辣汤有得自由选择辣度，小小辣啱晒啲食唔到辣嘅朋友仔，过过口瘾、而猪骨鲜浓汤就只可以唔辣，前者味道开胃，后者清淡带淡淡香气。面条要咗米线，相比起出边煮得偏腍咗少少，但系入口滑嘟嘟咁而且吸满汤汁，一份对于女仔嚟讲啱啱好，但系男仔嘅话建议可以加底。而配菜方面主要分为菜、丸同肉类。印象深刻嘅有鱼肉春卷、手打鱼腐、卤水鸡翼同猪软骨，Q弹带咬口，啖啖肉好滋味。菜品嘅话会推生菜同冬菇皇，新鲜，鲜甜，大大粒，都几满足。