杭州酒家

营业中

休息中

上次食到赶头赶命，今次想认真慢慢哋享受一下美食，难得同两老过海，去食米芝莲一星餐厅。一心嚟食嘅主角臭豆腐，将街头小食响一星餐厅演绎，细件装一口嘅size，炸得香脆又易食，将阵阵独有嘅嗅味变成高级。马兰头，成日误会佢系雪菜，上网check吓佢原来好有益，凉拌加咗豆腐干同一点点麻油香，好适合夏天食用。有点贵嘅东坡肉，肉焖得好淋好入味，味道调配得刚好，配上薄饼索上肥肉嘅油脂加一点点汁，好美味。杭州炒面似幼面版粗炒，有肉丝、冬菇、韮黄，加上镬气，都唔错。家常饼有香葱加芝麻炸得好香又脆，好好味。