金色不如帰 (又一城)

营业中

休息中

𠵱间嚟自东京嘅米芝莲一星拉面🍜喺香港开业以来，不时有人弹佢唔抵食，事实又点？的确𠮶两块低温，慢煮叉烧薄到透光又细块，但味道咸香，肥瘦适中唔太腻。至于碗招牌贝汁盐味拉面，幼面几弹牙，软硬适中，但仅此而已。我相信好多港式云吞面店都做到𠵱个水准。个汤咸咸地，少少松露香，但食落无咩鲜味，两啖食完嘅面，咁就$128有啲耐人寻味。另外个烧豚肉小碗饭($55)，豚肉好肥，成碗饭都好油，增肥必点。最惊喜反而系饺子🥟，涨卜卜好多馅，菜肉比例绝佳，菜粒脆肉味浓，煎嘅功力深厚，唔会成口油，我强烈建议创办人转行整饺子。