影片
更多
2023-08-30
84 浏览
今日好早起身，约咗人去湾仔跑步。回程时，路经轩尼诗道，见到有间新开卤味店，门口大大只字写住由米芝莲师傅主理，反正午餐还没想到吃什么，即管试下。橱窗放满各式各样卤味，除咗大大只狮头鹅之外，仲有鹅掌翼、卤水腩肉、红肠、鹅肾、走地鸡等，非常吸引。一坐低，店员已经率先为我俩送上每人一碗老黄瓜排骨汤，汤水够晒火候，入口温润回甘。原来而家新张期内，堂食仲有饮品送，值得鼓励。先嚟一份鲜鹅红 ($48) 新鲜热辣送上，卖相挺吸睛，食落口感非常嫩滑，唔会「起渣起窿」，加上吸收晒卤水嘅精华，啖啖滋味。第一次嚟紧系要试下佢哋嘅招牌狮头鹅片 ($148)，鹅片厚度适中，鹅皮薄脆，鹅肉鲜嫩，肉质松软腍滑，食落好香鹅味。连垫底嘅豆腐都好正，渗出油香及豆味，用嚟送粥一流！呢碗蚝仔粥 ($58) 真系值得畀个 Like，食材好新鲜，劲多蚝仔，大大只、胀卜卜，入口鲜甜又唔腥，仲有少少芹菜带出香味，两个人 Share 啱啱好。一场嚟到，再点多碟卤水杂锦拼盘 ($108/小) 试下。虽然只系点咗碟细嘅，但原来份量一啲都唔少。有红肠、墨鱼、猪大肠、猪脷、猪耳、鹅肾、鹅肝等，仲有卤水豆腐同咸菜垫底，用料十足。墨鱼好新鲜，吃
今日好早起身，约咗人去湾仔跑步。回程时，路经轩尼诗道，见到有间新开卤味店，门口大大只字写住由米芝莲师傅主理，反正午餐还没想到吃什么，即管试下。
橱窗放满各式各样卤味，除咗大大只狮头鹅之外，仲有鹅掌翼、卤水腩肉、红肠、鹅肾、走地鸡等，非常吸引。
一坐低，店员已经率先为我俩送上每人一碗老黄瓜排骨汤，汤水够晒火候，入口温润回甘。原来而家新张期内，堂食仲有饮品送，值得鼓励。
先嚟一份鲜鹅红 ($48) 新鲜热辣送上，卖相挺吸睛，食落口感非常嫩滑，唔会「起渣起窿」，加上吸收晒卤水嘅精华，啖啖滋味。
第一次嚟紧系要试下佢哋嘅招牌狮头鹅片 ($148)，鹅片厚度适中，鹅皮薄脆，鹅肉鲜嫩，肉质松软腍滑，食落好香鹅味。连垫底嘅豆腐都好正，渗出油香及豆味，用嚟送粥一流！
呢碗蚝仔粥 ($58) 真系值得畀个 Like，食材好新鲜，劲多蚝仔，大大只、胀卜卜，入口鲜甜又唔腥，仲有少少芹菜带出香味，两个人 Share 啱啱好。
一场嚟到，再点多碟卤水杂锦拼盘 ($108/小) 试下。虽然只系点咗碟细嘅，但原来份量一啲都唔少。有红肠、墨鱼、猪大肠、猪脷、猪耳、鹅肾、鹅肝等，仲有卤水豆腐同咸菜垫底，用料十足。
墨鱼好新鲜，吃起来有口感又唔会过韧。猪大肠够肥美，入口丰腴软绵。鹅肝甘香幼滑、入味又冇筋！
临走见到师傅捧咗两盆啱啱煮起嘅猪红同潮州春菜出嚟，新鲜滚热辣，非常诱人，可惜已经啱啱食饱，下次一定会再嚟帮衬。
张贴
