影片
更多
2023-04-29
4834 浏览
米芝蓮一星嘉麟樓 裝潢古色古香，彩色琉璃窗、柚木地板、中庭設計都予人一種懷舊嘅感覺。當中菜廳坐滿人嘅時候，熱鬧得黎唔會噪到傾唔到計，氛圍毫不拘謹。店員服務態度一流，更可按人頭加減點心，唔會限死一籠三粒，四個人黎都唔會分唔匀。▪️果木煙燻匈牙利鬈毛豬叉燒 $458嘉麟樓招牌菜！每日限量供應！匈牙利鬈毛豬脂肪分布均匀，肉質相當鬆軟細嫩，肥廋適宜 (但肥仔家姐表示油香唔夠)。經果木燻製，甜中更帶淡淡燻香。整體甜度唔會太高，如果可以多啲燶邊位就好啦~▪️鮑魚雞粒芋角 $96/3件金黃色嘅蜂巢超酥脆！綿密嘅芋泥包住裹滿醬汁嘅鮑魚雞粒，比起一般嘅濕潤得多。調味恰到好處，依然能嘗到淡淡芋香，毫不油膩~ 好食▪️鮮蝦燒賣 $102/3件鮮蝦爽彈大隻，肉餡肉味十足 但口感較實~▪️日本大根千絲酥 千絲酥飽滿挺身，外形成條蘿蔔咁幾得意，入口好酥脆！絲絲大根清甜多汁，腍中帶爽，好有蘿蔔味▪️蟹肉帶子菜苗餃 菜苗餃賣相一樣咁掂！餃皮唔會太黏，但口感較腍唔夠煙韌，亦唔算太簿。調味偏淡，都食到帶子鮮味，但蟹肉就唔太感受到啦~▪️乾清棗皇糕 $98少失望。口感偏軟淋，紅棗味唔算好濃，帶些微椰汁香，勝在甜度低。整體嚟講，鬈毛豬叉
▪️果木煙燻匈牙利鬈毛豬叉燒 $458
嘉麟樓招牌菜！每日限量供應！匈牙利鬈毛豬脂肪分布均匀，肉質相當鬆軟細嫩，肥廋適宜 (但肥仔家姐表示油香唔夠)。經果木燻製，甜中更帶淡淡燻香。整體甜度唔會太高，如果可以多啲燶邊位就好啦~
▪️鮑魚雞粒芋角 $96/3件
金黃色嘅蜂巢超酥脆！綿密嘅芋泥包住裹滿醬汁嘅鮑魚雞粒，比起一般嘅濕潤得多。調味恰到好處，依然能嘗到淡淡芋香，毫不油膩~ 好食
▪️鮮蝦燒賣 $102/3件
鮮蝦爽彈大隻，肉餡肉味十足 但口感較實~
▪️日本大根千絲酥
千絲酥飽滿挺身，外形成條蘿蔔咁幾得意，入口好酥脆！絲絲大根清甜多汁，腍中帶爽，好有蘿蔔味
▪️蟹肉帶子菜苗餃
菜苗餃賣相一樣咁掂！餃皮唔會太黏，但口感較腍唔夠煙韌，亦唔算太簿。調味偏淡，都食到帶子鮮味，但蟹肉就唔太感受到啦~
▪️乾清棗皇糕 $98
少失望。口感偏軟淋，紅棗味唔算好濃，帶些微椰汁香，勝在甜度低。整體嚟講，鬈毛豬叉燒同鮑魚雞粒芋角值得一試！其他點心質素中上，無乜大驚喜。米芝蓮一星黎講，價錢唔會太離地，環境服務相當唔錯。
张贴
