粥麵館 (已易手) 新餐厅

我呢几日都要喺鲗鱼涌做野，喺附近揾食嘅时候，比我见到粥面馆，仲话自己系米之莲推介嘅舖头之一，咁难得经过无理由唔入去食个lunch，所以谂住试吓佢个粥先。餐厅午市时间系要搭枱的，所以一个人食饭嘅我好快就有枱啦😆我拣咗碗凉瓜咸排骨粥，而家夏天食凉瓜就啱晒啦，可以清下热气。另外咸排骨可以下火，啱晒成日夜训嘅我。佢嘅粥底唔错，粥好绵身。凉瓜稍为生啲，所以口感较硬，苦味较重。咸排骨几大件，调教嘅味道不错，有咸香嘅味道，可惜夹杂碎骨，食嘅时候要特别小心😅但味道确实唔错，值得再食