Here Thai Market

营业中

休息中

👦🏻同妈妈👩🏻去完新城市广场shopping，就一齐去左Here Thai Market食泰国菜，餐厅由泰式水上巿场作为背景，满满既泰式风味，加上餐厅系米芝连推介既餐厅🍴，由两名米芝连名厨主理，建议大家黎到沙田不妨一试！🌟蟹肉炒饭 一上碟见到劲多蟹肉系炒饭上面，👩🏻表示真系劲足料，而蟹肉真系鲜甜嫩滑。最值得讲既系个炒饭，炒饭真系做到粒粒分明，干身香口，配料仲配上炒蛋同甘荀粒！🌟濑尿虾炒饭上面都提及过炒饭真系一流，而呢度既濑尿虾都相当吸引。濑尿虾够哂大只，完全系啖啖肉，肉质鲜嫩多汁，加上椒盐同葱简直一流既配搭！🌟蟹膏虾多士虾多士金黄苏脆，食落啖啖虾胶，配上用蟹盖装住既蟹膏，食落去简直系满口留鲜！🌟猪颈肉两串猪颈肉烧得岩岩好，肉质嫩滑，外层微微焦香，配上泰式酱汁简直成道菜升华。🌟蜂蜜柠檬水/青柠梳打水蜂蜜柠檬水饮落清甜润喉；而青柠梳打水清香，解腻一流。