Here Thai Market

营业中

休息中

每次去沙田新城市廣場一田超級市場，都會經過這間泰國餐廳，今日終於入去試吓。午餐有湯粉、飯、咖喱、炒麵及炒飯各款套餐選擇，包一杯飲品。茶錢每位$10🥲。牛柳炒闊河粉闊河粉嘅感覺有如好薄皮嘅腸粉一樣，好彈牙，牛肉軟熟嘅，啲粉埋藏咗好多條芥蘭同粟米芯，伴碟有幾件青瓜可以解下油膩。龍眼冰跟餐可以免費享用，杯內起碼有10多粒龍眼肉，好有誠意👍🏻泰式海南雞飯雞肉嫩滑，可選白飯或油飯。泰式手打檸檬茶跟餐需加$12 ，茶底濃郁，用泰國茶葉沖調。串燒雞全翼一碟兩隻$48, 香口，口痕可以食吓😗下次要晏啲去食下午茶，相同嘅餐，午餐同下午茶大概相差$20🤓

從來未吃過這麼難吃的泰菜，食完馬上想上來看評價😅 平時都不會寫評論，生意難做，但很想奉勸各位三思。當是fusion菜迎合香港人口味也說得過去，只可惜廚師未能發揮水準或可能沒有試味，味道偏鹹，所有調味極差，只能形容是一塌糊塗，生蝦刺身品質欠佳，沒有蝦味只有點醬料味，冬陰功只有酸及鹹，以為在吃酸辣湯，其他食物不過不失，以新城市來說收費可以接受，但我不認為自己在吃泰菜，去吃茶餐廳好了🙄

男經理服務好好食物好味 環境舒適 用餐經驗好好推介 香港啲餐廳大部份都有咁嘅服務質素可能 少啲人會北上消費 也留住遊客明白香港生活壓力大 生活迫人 希望快走出困局 好嘅餐廳，可以繼續做落去維持美食之都 美名

今日經過新城市，咁啱見到呢一間嘢做緊二人餐優惠😆$398就有生蝦，蝦多士，炒通菜，海南雞，牛肉火鍋，兩杯嘢飲同埋兩個甜品！！每人$200就有超級多嘢食！仲要係質素都唔差，特別係個蝦多士炸得勁酥脆，炒通菜辣辣地好惹味😋，海南雞肉質嫩滑真係超抵食又高質另外我幾鍾意佢嘢飲杯個設計🤣佢係一個普通透明杯加一個竹做嘅杯耳，幾過癮

下次不會再去，服務超級差。服務員完全不理不睬🤣看到也當沒看到，叫了很久才過來很不情願的點餐。食物無功無過，價錢不算便宜 但這樣的服務態度真的讓人不想再去第二次。

同朋友嗌咗$398二人餐有4隻生蝦2件蝦多士一個黑豚肉小火鍋雞、通菜2杯飲品同2份甜品首先要讚嘅係服務態度唔錯幾位職員都好友善有食客倒瀉野 職只都好快去關心同處理不過野食就真係麻麻特別係個黑豚肉火鍋我從未食過火鍋嘅黑豚肉係厚切仲要肥瘦比例係9:1鍋入面有4塊左右起碼有一半都係咁真係唔知點食⋯⋯其他野都普普通通成餐最好味食龍眼冰(少甜)好清甜 同埋非常非常多龍眼最快賣單冇睇清細項我地冇加任何野但賣單要$460估計除左加一服務費仲有隱藏嘅收費有種被欺騙嘅感覺

呢間係新城市廣場第三期新開嘅泰國餐廳，呢日平日下午茶去到，有下午茶menu，都唔係好貴，就入去試吓。餐廳入面好大，好多座位，坐低自己用qr code落單。叫咗個生蝦刺身試吓，還好豬肉金邊粉，但第一碗比錯咗粉絲我第二次就比返金邊粉我有豬膶、豬腩肉、豬肉丸豬肉丸係好迷你好細粒，但幾香豬腩肉好肥豬膶爽豬頸肉炒飯豬頸肉都幾肥，同埋睇落冇乜點燒過咁，唔夠香炒飯就炒得好香又夠乾身套餐飲品，有得免費飲龍眼冰同梳打，都幾大杯

POOR FOOD QUALITY, PRICEY and TAKEAWAY ORDER TURNED OUT TO BE WRONG*Ordered Pad Thai with Hainanese ChickenPad Thai turned out to be Fried rice with roasted duck…Also meat for both dishes tasted very dry, textured, hard, bland, flavourless and cold.duck…Also they could’ve been more generous with the portion for the roasted duck fried rice. The roasted duck only came with a few tiny pieces

好耐冇去沙田,見到新開咗間泰國嘢就入去試吓。呢間店用QR code 落單,主menu有好多嘢都喺QR code落唔到,搵店員幫手,店員表示以QR code為準,QR code 冇就即係冇。呢個都算,我哋叫咗4樣嘢,其中2樣等咗一個鐘都未上,其間追過3次,搵唔同人最後嗰次先有真係幫我哋跟進發現係漏單🥲一間要收茶水費嘅泰國餐廳竟然係叫極都冇staff 幫手加茶,枱枱都等加茶。客人有啲咩要求都係覆稍等一陣,然後就沒然後…如果係炒場好忙咁都理解,但當日唔算好full, d staff 企喺度傾計抹筷子都唔理啲客😱咁嘅餐廳點解都仲可以收服務費

今日來到沙田新城市廣場食個下午茶，突然間想食泰國菜就上網搵到呢間餐廳。當時心情都幾靓，門口經理帶路入座，但坐低一段時間都冇人斟水，到我們點完餐上菜嘅時候先有人畀兩杯熱水過黎本身冇咩胃口就點個冬陰功豬肉豬肉未豬肉丸豬肝米粉，上到面前睇落去賣相都唔錯㗎，但食咗幾淡，翻一翻個粉，嚇我一跳！！碗粉入面竟然有一隻小動物！！！當時我即刻嘔翻出黎🤮🤮🤮之後叫服務員過黎，佢去確認完係隻曱甴之後仲同我講換一碗，大佬啊食物裡面有小動物邊度仲有胃口食後尾取消咗，個經理過黎講抱歉，送咗兩個甜品。但因為食到有小動物，搞到後面都好唔舒服🤢

之前食過一次唔錯，所以今日突登約朋友再去，點知換嚟非常不快之經驗 😠😠😠朋有先坐低，店員立刻推介節日套餐，推介並不是問題，點唔點係自己嘅決定，最後我哋無點到，因為有朋友唔食生嘢，見到套餐有燒雞看似不錯，所以下單點燒雞，店員話燒雞要夜晚先有 (正常餐牌係無寫到呢點） 點點下佢又話有，咁就 order 啦，跟住叫咗個小火鍋，餐牌有啲後加 for 小火鍋，佢又話追加嘅已經停咗，好，又繼續，朋友個女比沙冰吸引，好開心，點知無冰 🤷🏻‍♀️ 話唔知啲冰幾時返，但係凍飲又有冰，究竟沙冰係點整出嚟㗎呢？落好 order 後，又有個店員返嚟話師傅話無燒雞 (咁個套餐隻雞喺邊到嚟呢）另外，本身餐廳係用 QR code 落單，不過男店員話有啲 item 可能無得選，要佢哋選，咁叫佢幫我哋落啦，但原來有午餐同某啲 item，實體餐牌係無嘅，又無同我哋講 ...... 真係幾嬲，食物質訴係唔錯嘅，可惜因為呢個咁嘅體驗，好失望，唔會再去食。

去到沙田市中心想食泰國嘢就諗起經朋友介紹嘅一間泰國餐廳😆咁我哋兩個入到去就揀咗一碗粉，一個小食同一杯嘢飲泰式牛腩金邊粉👍🏻👍🏻首先講吓份量呢碗牛腩金邊粉都算幾大碗，之後先試一啖湯，覺得個味道都唔錯，唔會話太鹹味道幾濃郁嘅牛肉味👍🏻加上啲粉都唔會話煮得太林算係幾好食泰式墨魚粒蝦餅😻呢個我就已經覺得個賣相好正👍🏻咬落去嘅時候墨魚粒都幾多，而且炸得好鬆脆個味道好出色，如果大家食呢間舖頭嘅話我覺得係必叫嘅菜😻最後就係杯芒果沙冰佢嘅量係超多，多到飲到最後都差啲飲唔晒，同埋佢係好凍嘅，味道方面就一般水準整體而言呢間餐廳都值得推介嘅，記得食墨魚餅啊🫶🏻

Here Thai Market價錢: $398/ $58好味程度: 4/5服務🍴: 3.7/5環境🗾: 4/5性價比🥢: / (食套餐)回頭率😚: 3.7/5-係沙田的呢間泰國菜空間超大，以水上市場做主題。廚師仲係米芝蓮泰國的，質素應該有返趕上下。前排見佢哋出左promotion套餐，價錢幾抵食就去試試。-✅香茅木瓜沙律。青木瓜爽脆，加埋蘿蔔絲、番茄仔、全部都係清新的配料。調味酸酸甜甜，可惜因為蔬菜容易出水，所以個汁有d稀🤨好彩有啲花生粒惹味啲。-✅✅泰式墨魚粒蝦餅。呢個墨魚蝦餅炸漿好薄，但好脆。彈牙有口感，仲有好多墨魚粒粒😗 酸甜汁都唔同平時嗰啲，呢個酸啲好開胃！-✅原隻魷魚。原隻魷魚燒得有炭香味。魷魚唔韌，好容易咬開🥳-✅✅泰式黑毛豬肉火鍋。呢個幾特別，係少有泰國菜有的野。小火鍋係船麵湯底，有小小內臟同金不換的味道，係好classic的感覺。超濃郁，放埋d米粉落去吸曬湯最正😍 火鍋入面有d黑毛豬片同肉丸，黑毛豬肉片條肥膏好大，但肉味好香，要咬左條邊出來好🤣 肉丸好食，細細粒彈牙有肉香😌仲有好多豬皮同芽菜，好似將一款船麵變左火鍋版本咁‼️-✅參巴辣椒炒通菜。份量好多。青通菜保留到爽脆

早排發現到哩間餐廳想試吓，但係當時遲咗一步拎位，要等成廿張枱😵‍💫，唯有放棄去其他餐廳。今次再經過沙田諗住去碰下運氣，不過正值晚飯時間，預咗又係大排長龍，照去望下會唔會有機會。去到門口嘅時候，竟然一個人都無😯，可以即刻入座。坐低之後，見到枱面上嘅餐碗仲有飯......已經胃口大減🤮餐廳係手機落單，職員只係需要專心上菜 同 收拾餐枱。當我哋搵附近職員幫手換新餐具嘅時候，職員都顯得有啲唔耐煩。食物上菜速度算幾快，手機落單之後，食物好快就陸續送上。泰式奶茶 ($32)Thai Milk Tea奶茶可以揀熱 或者 凍，甜度 同 冰量都可以調整，想口感豐富啲可以加$4加珍珠。珍珠煙韌，食落有少少甜味。餐廳好有心思，每杯飲品都會套上編織竹杯套，好有特色。可惜杯套上有啲疑似蛋汁嘅污積😥😥，未正式開始食已經對餐廳大打折扣😰泰式生蝦 ($108)一份生蝦有8隻。蝦肉爽口彈牙，都幾新鮮。配埋酸辣汁同蒜片一齊食，好味👍🏻海鮮炒闊河粉 ($128)味道唔錯，調味岩岩好，河粉入味得嚟又唔會太咸，亦唔會炒到好油。但係份量細得誇張，所謂嘅海鮮就係兩粒蝦仁同一件魷魚。兩個人share的話，每人大約分到半碗河粉、一隻蝦

是咁的，個日因為係星期日原本想去食個間餐廳未夠8點已經Full哂🥲於是就去左昵一間沙田新開的泰式餐廳🍛見佢拎過米豬蓮🌟又好似幾好食🤤於是就排隊🍽️而小弟就行入左後面嘅muji🛍️Miss左大約2-3位👥於是想厚住面皮問下🤔可唔可以補飛🎫其實都預左無❌, 純粹想問下💬其實你可以比張新飛我？🧾客氣小小講等多陣⌛因為人都唔多👀「個個都咁昵🙄, 我地好難做😓, 你再排過啦」我都明你好忙🫤, 咁我再排過🔄只係希望態度可以好小小小小😅入到去分別叫左 :第一 : 蟹肉炒飯 【3粒星/5粒星】蟹肉都叫唔錯👍，無咩雪味❄️，但炒飯真係無咩鑊氣🔥，炒飯係一個好難煮嘅野🍳，一定要大火快炒🚀，所以由佢，好難責怪泰國炒飯要好乾身🥵，但泰國一個普通大排檔都絕對好食過佢🇹🇭第二 : 安格斯牛肉船麵 【3粒星/5粒星】牛係無咩問題👌，金邊粉真心好食🍲，個湯真係普通到無得再普通😐，基本上無咩牛味又無咩船麵味🤷‍♂️，不過講唔上唔好食😶，不過唔係咩米豬蓮🌟第三 : 炒通菜 【4粒星/5粒星】夠惹味😋，菜又新鮮🌿，真係幾有泰國風味🇹🇭，昵個價錢唯一挑剔下，就係唔洗炒到咁多水💦，個汁可以似返醬🥢，多汁多到好似湯咁 ! 🥣第四 : 泰