瀧

营业中

休息中

平时比较少去粉岭，但原来联和墟一带都有好多小店餐厅。今次就嚟试下呢间日式小店。餐厅装修及布置带点田园及可爱风格，门外户外区左右各设有长枱，室内区空间感十分充足阔落，四周有好多不同类型的画作及手工艺摆设，都几有特色。❇️黑泷叉烧拉面(黑蒜汤)配日式煎饺(2件) $68▶️每次食拉面我都一定会先品尝一下个汤底，因为汤底往往系成碗面的灵魂所在。以往试过响其他拉面店食黑蒜汤底拉面，好多时都会有过咸或过浓味的情况，以致影响成碗面的味道，但呢度的黑蒜汤底有黑蒜香味但又唔会过咸，更加唔会饮完D汤觉得口渴的问题，唔错！👍🏻拉面软硬度适中亦颇弹牙，叉烧肉质够腍而且有肉汁，加埋半熟流心蛋，估唔到呢度的拉面比起好多拉面店都做得出色！而煎饺亦炸得香脆，呢个价钱真心超值！🤩❇️蒲烧鳗鱼丼 $88▶️上枱先知原来系鳗鱼蛋包饭嚟。原条鳗鱼外皮烧得香脆，肉质juicy，下层的蛋够滑，入面饭量都几多❇️章鱼小丸子(4粒) $22▶️章鱼烧新鲜即制上枱热辣辣，入面有足足3-4粒八爪鱼粒，而且好有咬口😋最后试埋佢地的特饮 (跟餐半价+$18)❇️紫泷▶️由荔枝、青柠、蝶豆花及梳打制成，上紫下黄的颜色卖相好吸引，饮落有好香荔枝味但又唔会太甜