影片
更多
2018-11-21
645 浏览
最近天气凉，又系开始疯狂打边炉嘅时间，今次做足功课，book定枱带女朋友去试下呢间本土怀旧风嘅火锅店，等佢可以边食边影相边打咭📷上到去目测全场满座，提提想食嘅朋友记得book位。•十下•走怀旧风，七八十年代嘅装修，仲搜集咗唔同嘅旧家私摆设/餐具，霓虹灯/细砖墙等嘅设计都令人仿佛置身喺上一个年代嘅香港，好有昔日情怀。店内播嘅都系八九十年代脍炙人口嘅金曲，彭羚/谭咏麟/梅艳芳.... 我地一边斗快估歌仔，一边跟住唱埋一份😂二人餐有两款，第一次嚟我地先试个•十下二人套餐•$288/位。上火锅前当然有呢个调味酱料盘，除咗葱/芫荽/红椒丝/生蒜，仲有沙茶酱/麻酱/炸蒜片。店员仲细心提醒我地个壸系豉油另一樽系醋。每款汤底都好吸引，于是我地叫鸳鸯锅，一人拣一款。清炖山药菌菇汤汤底好足料，有虫草花，杞子，猴头菇及其他菇菌，个汤清清地又有好香浓嘅菇菌味。滋润木瓜蕃茄鲜鱼汤鲜甜嘅蕃茄鱼汤，大大条煎到金黄嘅鱼尾做胆，个汤一啲都唔腥。隔咗阵之后，店员仲会帮忙攞起条鱼尾等我地慢慢食😋•十下二人套餐•入面跟咗十款配料 :大刀手切本地肥牛呢个正👍🏻真正嘅牛有牛味😂入口除咗有香浓牛味，仲有油香，又唔会太肥，油脂分布平
上到去目测全场满座，提提想食嘅朋友记得book位。
•十下•走怀旧风，七八十年代嘅装修，仲搜集咗唔同嘅旧家私摆设/餐具，霓虹灯/细砖墙等嘅设计都令人仿佛置身喺上一个年代嘅香港，好有昔日情怀。店内播嘅都系八九十年代脍炙人口嘅金曲，彭羚/谭咏麟/梅艳芳.... 我地一边斗快估歌仔，一边跟住唱埋一份😂
二人餐有两款，第一次嚟我地先试个•十下二人套餐•$288/位。
上火锅前当然有呢个调味酱料盘，除咗葱/芫荽/红椒丝/生蒜，仲有沙茶酱/麻酱/炸蒜片。店员仲细心提醒我地个壸系豉油另一樽系醋。
十下二人套餐
84 浏览
1 赞好
0 留言
清炖山药菌菇汤
汤底好足料，有虫草花，杞子，猴头菇及其他菇菌，个汤清清地又有好香浓嘅菇菌味。
滋润木瓜蕃茄鲜鱼汤
鲜甜嘅蕃茄鱼汤，大大条煎到金黄嘅鱼尾做胆，个汤一啲都唔腥。隔咗阵之后，店员仲会帮忙攞起条鱼尾等我地慢慢食😋
•十下二人套餐•入面跟咗十款配料 :
大刀手切本地肥牛呢个正👍🏻真正嘅牛有牛味😂入口除咗有香浓牛味，仲有油香，又唔会太肥，油脂分布平均，肉质嫩滑有口感，记得唔好渌咁熟，如果唔系就浪费咗碟靓牛。
十下三宝滑有虾滑/鱼滑/牛滑，三款滑都系店家自己打，新鲜制造👍🏻落锅时，咁啱有店员经过仲好热心咁一边同我地倾计，一边帮我地整落到锅到。
怀旧果皮鱼蛋~以前细个食街边鱼蛋比较多用呢款，而家就买少见少。陈皮鱼蛋口感比较实净，有鲜味。
宽冬粉~呢个粉好味呀，烟韧弹牙，仲吸收埋啲汤。
爽滑鸭血~完全冇血腥味，爽弹滑溜。
凤城水饺~足料大大只，有猪肉/笋/虾/木耳，质感实在，皮薄馅靓唔松散。
流心粟米丸+三星葱酱爆贡丸~流心粟米丸比较特别，出面唔多食到。酱爆贡丸都ok，唔错。
蔬菜拼盘~有唐生菜/娃娃菜/冬菇/粟米/白萝卜。
花雕鸡嫩肉~好香花雕味，无骨鸡肉又滑又有弹性。
脆炸响铃~大路唔脆口嘅响铃，对于唔系即炸嘅响铃都冇咩要求，冇油益味就得。
天然椰子水跟餐送两罐饮品，或者可以加钱转特饮，打边炉想清润啲，唔叫椰子水都仲有冬瓜茶/洛新花茶/酸梅汤等等可以拣。
服务好想特别提下呢到嘅服务，今时今日咁好嘅服务比较难得👍🏻
呢到每个员工都好勤力同细心，行过𠮶阵都会留意客人需要，会帮你睇下个火嘅大细啱唔啱，主动加汤，帮手落下嘢食，撇走啲油等等。值得一赞👍🏻👍🏻👍🏻
张贴
