魯一式 (已結業)

好耐好耐之前食过一次，都已经差D唔记得食左乜，但个心就一直谂住要食到卤水三宝。因为上次想食，佢话𠮶日无整无得卖。卖野讲心情，真系几把炮，搞到我更想食。后来有几日又想食，点知仲无开，唔知仲以为老细退休关门大吉 😅今日终于食到啦。卖相唔系几好，但味道出奇地非常好。鸡翼炆到好腍好香卤水味，带少少甜。豆腐就虽然入味，但差在外皮翻炸过，搞到个外皮好硬。如果呢点可以改善，会更加好食。最惊奇精彩嘅系粒卤水蛋 🤤🤤🤤 非常软滑。一咬开蛋黄流心，又有好香浓嘅蛋味同卤水香，不得了。