九井水産 (已結業)

去到尖沙咀区食日式午餐，价格唔驶一定好贵，食个寿司餐都系二百蚊内，质素仲要唔错。先有三款前菜、同埋刺身，前菜有渍物、沙津、和风豆腐，清新嘅感觉，加上金箔嘅点缀，华丽十足。而刺身鲜味十足，无半点雪藏味，吞拿鱼质感结实，而甜虾虾膏丰盛，证明选料有质素!接著有新鲜即炸嘅天妇罗，炸浆薄薄一层，唔会厚身影响口感，品尝到弹牙嘅虾肉、非常好食。然后系最期待嘅寿司加卷物，份量都几多，带子厚身鲜甜味足，吞拿鱼鱼油味香浓，吞拿鱼卷物亦都系够晒饱满，用料豪爽。最后有一客甜品奉上，分别系绿茶味同柿味嘅棵子，甜味唔会太重太浓，啱晒香港人口味。