影片
更多
2024-11-14
221 浏览
上次同男朋友嚟呢度试过佢啲潮州菜真系几好食，今晚就带埋佢家姐同未来姐夫一齐过嚟翻寻味。上次试过个鱼柳浸花甲，真系好好味，好鲜甜之余啲鱼露又唔会太过咸盖过晒花甲嘅味道，所以必须再食多一次。然后我哋叫咗半份鹅肝，西式嘅鹅肝下便系垫多士中式嘅鹅肝下便系垫豆腐，都系俾你解腻用嘅。最重要系个鹅肝系粉肝嚟㗎，入口即溶，同样地都唔会太过咸，啱啱好，真系超好味呀。然后我哋叫咗个韭菜粿，佢呢度仲配埋韭菜果必点嘅潮州辣酱，佢个粉皮够晒Q弹，烟烟韧韧软软糯糯嘅口感真系超好食，不过就略嫌佢啲韭菜唔够多，如果再多啲嘅话咁就完美啦。另外我哋叫咗个藤椒鸡颈，职员话佢哋用嘅鸡系日本走地鸡嚟㗎，唔怪得啲肉咁实净，而且仲够旧都咁大旧啦。佢哋嘅藤椒唔会太辣，都系比较轻微嘅藤椒味，其实都老少咸宜㗎。跟住又点少得潮州蚝烙，佢哋就用咗鸡蛋同埋鸭蛋一齐整，所以个底都有少少软糯嘅口感，不过比起正式嘅，我硬系觉得差咗啲，冇计啦，潮州妹系要求高啲㗎啦。重点嚟啦，我哋提早一日打咗电话嚟book咗一啲手工菜。其中一样系荷包鳝，呢度手工菜都几麻烦㗎。出边包住嘅𠮶层咸菜，中间嘅系一大旧鳝片。因为咸菜本身已经够咸，所以唔需要特别调味都已经够晒鲜甜
上次试过个鱼柳浸花甲，真系好好味，好鲜甜之余啲鱼露又唔会太过咸盖过晒花甲嘅味道，所以必须再食多一次。
然后我哋叫咗半份鹅肝，西式嘅鹅肝下便系垫多士中式嘅鹅肝下便系垫豆腐，都系俾你解腻用嘅。最重要系个鹅肝系粉肝嚟㗎，入口即溶，同样地都唔会太过咸，啱啱好，真系超好味呀。
然后我哋叫咗个韭菜粿，佢呢度仲配埋韭菜果必点嘅潮州辣酱，佢个粉皮够晒Q弹，烟烟韧韧软软糯糯嘅口感真系超好食，不过就略嫌佢啲韭菜唔够多，如果再多啲嘅话咁就完美啦。
另外我哋叫咗个藤椒鸡颈，职员话佢哋用嘅鸡系日本走地鸡嚟㗎，唔怪得啲肉咁实净，而且仲够旧都咁大旧啦。佢哋嘅藤椒唔会太辣，都系比较轻微嘅藤椒味，其实都老少咸宜㗎。
跟住又点少得潮州蚝烙，佢哋就用咗鸡蛋同埋鸭蛋一齐整，所以个底都有少少软糯嘅口感，不过比起正式嘅，我硬系觉得差咗啲，冇计啦，潮州妹系要求高啲㗎啦。
重点嚟啦，我哋提早一日打咗电话嚟book咗一啲手工菜。其中一样系荷包鳝，呢度手工菜都几麻烦㗎。
出边包住嘅𠮶层咸菜，中间嘅系一大旧鳝片。因为咸菜本身已经够咸，所以唔需要特别调味都已经够晒鲜甜。
而最重要嘅系呢一个汤底，上网睇话呢一款手工菜个汤系用咗好多唔同嘅料落去煲，有鸡有猪，有火腿等等，起码都煲返六至12个钟先成气候㗎，所以个汤真系好甜。
而另外一个手工菜就系石榴蟹，呢个就真系不得了。佢出面白色𠮶一层系蛋白煎成，面头仲有一大嚿蟹膏。
而入面就会有一啲芹菜马蹄瑶柱同埋蟹肉丝，全部摆埋一齐包喺个蛋白中间，都好考功夫㗎。
四个人食埋啲咁复杂嘅手工菜，呢个价钱食精致菜嚟讲都算系咁。
张贴
