鮨燐

营业中

休息中

呢间日本餐厅既厨师发办真系好正！。佢哋主要食材系来自北海道、九州同冲绳，真系新鲜到不得了，食完之后好开心！我最推介嘅系厨师发办寿司，真系一个人都可以享受到尊尚嘅享受。时令食材系餐厅嘅一大特色，前菜无论系昆布丝赤水母定系土佐醋，味道都好有层次感。金平莲藕渍亦都好好味，清脆可口！北海道帆立贝，加上青柠汁，鲜味十足；而深海池鱼，肉质更加实在，食落去口感好滑。鲛鲽鱼烧得刚刚好，鱼边烧香左，放中间就唔会太干，搭配博多万能葱，味道更出色。九州大芬县嘅剥皮鱼就更加特别，鱼肝加咗wasabi同埋豉油，芽葱中和咗鱼肝嘅浓味，口感真系好正。炙烧墨鱼亦都唔可以错过，鎅花再烧，食落去脆口啲，真系令人回味无穷。秋刀鱼双面放咗姜蓉同埋葱，味道更加鲜明。至于熊本天草县嘅车海老，加咗饭同虾膏，简直系人间美味。鱼味浓郁嘅𫚕鱼同野生油甘鱼，呈红色，食落去更有层次感。赤贝中间加咗柚子皮，清香四溢，真系好特别。再加埋北海道嘅马粪海胆，真系唔可以错过。神奈川黑睦鱼同炙烧银鳕鱼，细条先可以半生熟咁食，口感更加丰富。鲭鱼饭加咗芝麻同紫苏叶，昆布，味道都好好。最后，餐后嚟碗自家制抹茶奶冻，甜而不腻，真系完美结束。