SAKEH

营业中

休息中

今日喺尖沙咀行街，沿着天文台巷一条小路向上行，竟然俾我哋发现到一个好清静嘅地方，其中有一间装修非常日式嘅餐厅，见到餐牌有好多款式嘅午餐可以选择，于是我哋就入去食个日本料理定食午餐。餐厅入边有好多木造嘅家私，非常日式，仲有几个圆形梳化，围住木柱，好靓、好特别，拍拖或者打卡都好适合。我哋叫咗午餐「薄切牛肉卷」同埋「香煎鹅肝」，全部午餐都系定食嘅形式，分别有六小碟，用一个木盒装住咁样上枱，非常精致，前菜有带子裙边，紫菜白饭，水果有哈密瓜，仲有日式糯米糍做甜品。食完一份午市套餐，感觉非常满足。「薄切牛肉卷」，牛肉切到好薄，好新鲜，好鲜艳同埋香滑，牛肉入边夹咗蔬菜同埋葱花，唔使好重调味就可以带出牛肉嘅鲜味，整体配搭好突出，好惹味。「香煎鹅肝」，鹅肝煎外脆内软，入面仲系好Juicy，而且好香口，食落口又唔会觉得油腻。除此之外，我哋仲叫咗一串烧白鳝、一串烧牛脷芯，两款串烧都系即叫即制，新鲜热辣，白鳝嘅皮仲系脆卜卜，白鳝嘅肉仲系保留Juice嘅肉汁，好有白鳝嘅鲜鱼味。而牛舌芯同样出色，非常弹牙，值得一试。