割烹 櫓杏 (iSQUARE國際廣場)

营业中

休息中

你有冇试过同friend食饭玩一个游戏，就系互相帮对方叫嘢食😂睇吓大家有几了解大家.今日拣咗呢间日料餐，食饱咗仲可以去second round食甜品🥰我拣嘅当然系【南関扬げのいなり寿司】由我最爱嘅腐皮+日本米合成嘅，梗系要分享我嘅最爱啦❤️成个口感系偏甜嘅，加上日本米嘅香味。腐皮同米饭完全服贴，夹起嚟时都唔会散开咗。另一道叫咗【熊本黒毛和牛『和王』の旨辛カルビ焼き】朋友最钟意食和牛，咁我梗系要为佢叫一道最爱啦！炒辣味嘅和牛配埋葱花，辣度对我嚟讲唔会太辣，但系唔食得辣嘅朋友就觉得辣少少，烧炒后嘅牛肉仲系咁juicy同嫩滑。朋友话佢主打特别菜式，为咗我叫咗【橹杏特制炙りメ鲭の棒寿司】，呢道都系橹杏特制，特别嘅系外层系鲭鱼，鱼肉用醋去腥之后配埋米饭，好开胃。仲叫咗一道【冷やしピーアンと肉味噌】，青椒配味增味嘅肉碎，青椒嘅清新爽脆口感加上肉味噌嘅咸香，好特别💡多人嚟嘅话可以叫多啲唔同嘅嘢食嚟试。下次再约多啲朋友嚟试其他嘢食。