飲茶 (南豐大廈)

营业中

休息中

虽然店名字叫饮茶，但店内地方清雅而干净，位与位之间空间感够大。五指毛桃炖鸡汤炖汤一d都冇油腻感，除咗五指毛桃，还有红萝卜、鸡脚、鸡肉，所以饮落好清甜。鸽吞凤梨可爱鸽子除咗得意之外，外皮有酥软嘅口感，里面带一点微甜嘅凤梨蓉，可以一啖一口酥。七彩茄子紫色茄子质感唔系腍啤啤，系好爽口，酱汁带点点甜，茄子够入味。鸡丝拉皮花生酱好香，质感稀杰刚好，拉皮滑嘟嘟，夹埋芝麻同青瓜丝带爽脆，好香又好味。千岛明虾角虾角外皮炸得香脆，入口有弹牙嘅虾肉，虾肉鲜甜，想丰富味道可以沾上千岛酱。蚂蚁上树猪肉碎、辣椒碎、葱蒜粒，令粉丝炒出香味，粉丝每条炒得干爽，唔油腻又入味，食落辣辣地又有蒜嘅香。干炒安格斯牛肉河安格斯牛肉，厚切食落有口感，肉质滑又唔韧，河粉炒得均匀入味，炒紫洋葱同芽菜，除咗爽口之余，更令河粉增添香气。芒果布甸布甸入口好香又滑溜，芒果粒甜味，令布甸唔系死甜𠮶种。