澐

营业中

休息中

父亲节拣咗呢间餐厅庆祝，餐厅好细心，惊父亲节多人，上菜等得耐，早一星期问我会唔会落咗单先。当日嚟到，餐厅环境好靓，好阔落，感觉好舒服，屋企人都好钟意。待应同我confirm咗一次之前落嘅点心，好快就有得食啦！点心卖相好靓，味道都唔错。春卷入面包住虾，味道冇想像中咁丰富，略嫌单调咗少少。嚟之前好期待试嘅鲍鱼！每只切开咗三片，食落去好松化，唔错。酿蟹盖足料，有好多蟹肉，值回票价。炒饭都几香口，份量合理。甜品味道一般，不过上菜时好靓，打卡必点。特别欣赏佢嘅点心／菜式叫一碟以上可以按人头叫，咁就唔怕多咗几件浪费，大家都可以试到。整体嚟讲，成餐饭都食得好开心，员工态度好好，食物有水准，值得一试。