明珠閣 (已結業)

3点零钟，本身想去美心皇宫饮茶，点知职员话4点做清洁，要我地系20分钟内食完走人。 时间咁紧迫，我地就紧系唔想咁赶。 咁岩由地铁站行去美心皇宫经过明珠阁，就决定试下呢间既野食。入到黎，员工大部分都系20几岁，好后生，有活力👍🏻 门口女同事有礼貌。首先上左一道手撕鸡粉皮。 上面有好多麻酱，对我黎讲，我觉得味道好浓好浆口。 只可以话佢地冇沟水，真才实料😂之后仲有虾饺同埋豉汁蒸凤爪。 呢两样野同平时系酒楼食既都差唔多，冇咩特别。其实仲叫左一客烧卖既，不过唔记得俾相机食先。 烧卖上面舖左一只虾，再咬落去，原来入面仲有一只，果然真才实料👏🏻👏🏻👏🏻👏🏻本身以为冇事，可以开开心心捧住个肚走既时候，找钱个阵可能知道冇tips，因为冇零头，全部都系纸币，所以个男侍应好冇礼貌咁同我地讲，找钱！ 我地去咁多食肆食饭，从来都未遇过啲咁嘅侍应，讲真，自己都系做呢行，我都知对方既苦况，所以有啲野接受到就算，但系佢系我地咩都冇做过既情况下咁冇礼貌对待我地，我就真系觉得好冇道理😡😡