香宮

营业中

休息中

米芝莲中餐厅，服务细心周到。之前食过这里啲点心，今次试午市套餐。先嚟点心拼盘，有虾饺，烧卖同芋角。虾饺皮薄，馅料弹牙有鲜味。烧卖结实有咬口亦鲜味十足。芋角外皮松脆，皮薄馅多，不过我钟意食皮多D。灌汤饺，汤水好有虾啲鲜味，同样都做到皮薄馅多，但个人觉得稍咸。食过点心，到两款小菜，羊肚菌玉簪带子，羊肚菌有两粒小小啲，玉簪就用芥兰苗，甘荀同冬菇穿过粒带子，加上用桃形碟盛载，好精致另一个就系金不换三杯爆鸡，鸡同葱头，姜，红椒同金不换爆炒得好香，味道不错再嚟就系虾子菇瑶炆伊面，伊面用瑶柱草菇炆再加上虾子，整个伊面味道调较得几好，可惜伊面较为稔身。最后当然是甜品，芝麻糊。芝麻糊甜道度中，可适有阵㶶味，估唔到米芝莲餐厅主厨都有失手时。