Edenfa (已結業)

近来流行半自助餐，朋友话Edenfa环境清静，想倾下计慢慢坐系好选择。半自助餐即头盘、沙律、汤同甜品以自助餐形式，而自己再选一样主菜。先讲讲前菜啦，老老实实选择就唔算多，不过又可以话系贵精不贵多。我去果日就有唔同既cold cut，味道几好，应咸就咸，应淡就淡，配埋沙律一齐食就fit晒，感觉好fresh。另外仲有蚬同屝翠螺，两样都好新鲜，可以食到淡淡既海水味。另外不得不提就系个南瓜汤，系我食buffet入面饮过最好既汤之一，一个唔觉易饮左两碗，佢劲多南瓜蓉又够creamy，配埋蒜蓉包真系大fit。主菜就试左西班牙黑毛猪扒，厚切既猪扒煎到微焦，味道好好，多左一份普通猪扒冇既香味。而且够晒厚，咬落去满足感超大，好耐冇食过咁出色既猪扒啦！