梅花邨小館

营业中

休息中

朋友话呢间好食，不过地点有少少吊脚，位于长沙湾地铁站同荔枝角地铁站之间，所以一直的唔起心肝去试，不过今日终于试了，整体感觉都OK，顺系精致D的潮州菜，正想野，不过都坐得舒服。一行四人点了6样野︰卤水拼盘、川椒鸡、蚝饼、卤水鹅片、芥兰同埋椒盐鲜鱿。6样野最有惊喜就系个卤水拼盘，而当中又以个墨鱼最出色，可惜得4片，一人一片，另外豆腐都好食。川椒鸡同蚝饼都唔错，川椒鸡有炸珍珠叶拌碟，真系好开心，因为出面唔系好多地方食得到。蚝缾唔太油，D蚝都新鲜，不过略嫌唔够多，如果多少少蚝就更好了。卤水鹅片有水准，个卤水汁几好，够香，唔系一味得个咸字，鹅片就肥肥地，接受到。碟菜就正正常常啦，无乜特别野要讲。成晚最差就系碟椒盐鲜鱿，真系估唔到一个相对简单嘅菜竟然搞成咁，真心差。