寬巷子 (已結業)

最钟意冬天打边炉，今次拣咗地点方便喺海港城嘅打边炉店。佢嘅卖点就系所有嘢都好精致，摆盘亦都好特别，可以不停打卡。我地叫咗个油炸鬼，得几条，但个碟超长，劲浮夸，想唔影相都难。啲嘢食除咗睇得之外，质素仲好好。特别系个虾寿司，系好鲜甜。另外个玫瑰花真系好靓，啲肉食落去仲系好滑嘅添，可能因为点咗蛋白落去煮。除咗啲食物之外，个汤底都要一赞，因为除咗味道一流，仲好足料。以我记得今餐个价钱都唔平，胜在坐得舒服，啲嘢食都系新鲜和好味嘅，又可以打卡，都算可以接受。