影片
更多
2023-01-07
645 浏览
今日难得约左一班老朋友见面，我地决定试下近日人气爆登既稻埕饭店😃晚市下餐厅用紫红射灯点缀中西合璧既装潢，相当有气氛👍🏻诚意推荐以下打卡位🤩：1.入正门后一落电梯招牌旁有棵大枫树2.进入餐厅后右边的光环酒架🍾🥂3.男女厕之间的落地镜霓虹灯「挑酒跟挑人是一样的」环境就满足左一班钟意影相打卡朋友仔既愿望，食物方面，餐厅主打台式fusion 菜，中西式style 既台湾菜都有，有d净系睇菜名都觉得好特别，好想试呢晚我地就叫左个4人餐（前菜至甜品其9味）+追加菜式，小妹就将最难忘菜式记录在此花雕药膳鸡卷花雕酒味好出，鸡肉林身索哂酒味又保留鸡肉原味皮蛋肉松豆腐摆盘精致，皮蛋豆腐口感清新，配微甜肉松+烧汁，做开胃前菜唔错！金银蒜泥五花白肉三角形黑色碟令呢味经典川菜马上变得型格有别于外面食到张满辣油既蒜泥白肉，厨师将蒜蓉放系青瓜片同五花白肉片之间卷起，将三种味道汇聚一堂，蒜一啲都唔辣，清甜青瓜更减轻白肉油腻感金不换干贝螺头炖鸡汤哗！又鸡又螺头，仲有滋保红枣杞子等材料，冬天饮到咁足料既汤，真系暖入心稻埕卤水九孔鲍鱼其中一款最期待的台湾名物「九孔」，朋友以为佢系迷你鲍鱼，其实佢同鲍鱼系亲戚，但同科不同种，
今日难得约左一班老朋友见面，我地决定试下近日人气爆登既稻埕饭店😃
晚市下餐厅用紫红射灯点缀中西合璧既装潢，相当有气氛👍🏻诚意推荐以下打卡位🤩：
1.入正门后一落电梯招牌旁有棵大枫树
2.进入餐厅后右边的光环酒架🍾🥂
3.男女厕之间的落地镜霓虹灯「挑酒跟挑人是一样的」
环境就满足左一班钟意影相打卡朋友仔既愿望，食物方面，餐厅主打台式fusion 菜，中西式style 既台湾菜都有，有d净系睇菜名都觉得好特别，好想试呢晚我地就叫左个4人餐（前菜至甜品其9味）+追加菜式，小妹就将最难忘菜式记录在此
花雕药膳鸡卷
花雕酒味好出，鸡肉林身索哂酒味又保留鸡肉原味
皮蛋肉松豆腐
摆盘精致，皮蛋豆腐口感清新，配微甜肉松+烧汁，做开胃前菜唔错！
金银蒜泥五花白肉
三角形黑色碟令呢味经典川菜马上变得型格有别于外面食到张满辣油既蒜泥白肉，厨师将蒜蓉放系青瓜片同五花白肉片之间卷起，将三种味道汇聚一堂，蒜一啲都唔辣，清甜青瓜更减轻白肉油腻感
金不换干贝螺头炖鸡汤
哗！又鸡又螺头，仲有滋保红枣杞子等材料，冬天饮到咁足料既汤，真系暖入心
稻埕卤水九孔鲍鱼
其中一款最期待的台湾名物「九孔」，朋友以为佢系迷你鲍鱼，其实佢同鲍鱼系亲戚，但同科不同种，九孔系外壳上有好窿（唔止9个）因此命名。
系台湾东北角温热带浅海生长，所以又叫台湾鲍鱼
口感食落比一般鲍鱼Q弹有咬劲，卤水腌制过后鲜味依然，而且易咬开台湾独有，真系闻名不如一试
红槽文旦荫树蒸深海大花尾龙趸
台湾人都爱食红槽鱼，因其肉质细致今晚呢味台式红槽用左台湾出名既文旦柚制成既酱汁清蒸炮制，甜甜酸酸既柚汁淋上本来无咩味道既红槽鱼身上，perfect match
八斗子炒饭
呢个炒饭唔可以睇小，正中煎到金黄色既虎虾固然吸睛，原来炒饭料都好有实力，材料包括肉松、带子粒、鹅肉、蟹籽、蟹肉，啖啖鲜味，绝无揸流摊
稻埕台湾烤香肠配墨鱼肠
食台湾野唔少得经典台湾烤肠，餐厅细心地将烤肠切成一片片，块块都烧到干身当中墨鱼肠最印象深刻，黑色肠身就知佢充满墨鱼汁，口感十分Q弹又唔黐牙，特别又好味
追加 稻埕招牌「鹅不是鸭肉」
菜名咁搞笑🥸其实呢味系卤水狮头鹅片，油脂香重，卤水汁入味，睇黎真系要问下餐厅大厨既卤水秘诀
一口气同友人食左咁多台式矜贵菜式，最后由套餐甜品「红豆沙汤圆」滋润到最后，为呢餐精致台式料理画上满足、幸福、完美句号
张贴
