糖佰府 (已結業)

朋友系新蒲岗番工，约佢放工后食饭，近近地就去九龙城啦。晚餐我地食泰菜，食完之后我地揾甜品食，要发挥下我地个小宇宙。经过呢间甜品店，见个名好熟，因为以前好多地方都好似见过，见d野食相好似唔错，入去试试啦。入到去先知原来唔系同一间来，糖佰府vs糖百府。 真系唔讲唔知，原来糖佰府开左成十年架啦。下。。。。都好多年喔，但无食过。第一间系将军澳，可能平时少去果头，真系唔知呢。 而呢间就系第一间分店来，呢度d野食都好多款，我对糖佰府个印象只有雪花冰，但呢度除左台式甜品之外，仲有传统港式甜品同新潮派甜品。食咩好呢？食咩好呢？太多款啦！好多都想试。"登灯瞪凳"最后我叫左个杂苺窝夫，雪糕任你配搭，我叫左vanila味雪糕。个窝夫来到，见个面有咁多料，真系好兴奋呢！口感方面佢走软心路线，面就微脆。朋友话唔钟意呢个口感，我又ok窝，窝夫份量唔细，入面好软熟得来有小小"弹性"，感觉唔错，好彩唔系实的的果种姐。 味道方面，蛋味飘香，整体唔太甜，牛牛糖浆完全无落，因为本身已经好多料好丰富。怕太甜，唔落糖浆会好d。 如果钟意食比较脆口嘅窝夫，咁我唔建议你食呢间啦。d棉花糖可以再焗耐少少就好啦，可以做到起丝效果更佳。