影片
更多
2024-04-10
407 浏览
本身都知道鸡大哥喺油麻地有舖头，今日放工经过发现，原来上环都开咗间呀，所以好想即刻嚟试吓同屋企人叫咗个二人餐，有：半只无骨海南鸡（连秘制酱汁两个，系酸辣汁）海南鸡超靓，皮同肉中间系冇脂肪嘅，系啫喱层！整得好嘅海南鸡，皮同肉之间系会有层啫喱层先至系正嘢，鸡大哥做到，呢个真系一百分！正宗海南鸡饭，点少得配埋个鸡油饭呢，两碗都装得满满的，仲有碗靓鸡汤，系有半只鸡脚同冬瓜嘅靓鸡汤啊，只鸡脚仲要系剪咗脚趾㗎！饮完唔口干，系无味精㗎！小食有两款：1）两粒炸大鱼蛋，真系即叫即炸，上碟时仲系热辣辣㗎！2）另外𠮶款小食拣咗酸辣汁嘅无骨凤爪沙律，啲配菜超级新鲜，有开边蕃茄仔、紫洋葱、香茅、西芹、芫荽等，海南鸡伴碟𠮶两块青瓜切得靓仔仲好脆好爽口添，头先讲𠮶碗靓鸡汤入边块芫荽都好新鲜翠绿㗎！甜品可以拣两款，但系屋企人想饮杯嘢，所以佢件甜品就加钱转左杯特饮龙眼冰，我就拣咗件奶茶椰汁千层糕。奶茶椰汁千层糕好特别，第一次见泰国食店有呢款甜品拣，所以二话不说就叫嚟试吓，虽然奶茶味唔算太浓，有椰汁味搭救，而且胜在够新鲜感，值得一试！龙眼冰系真系有好几粒龙眼肉做胆，饮饮吓好似觉得除咗普通龙眼肉加水之外，都有种香叶嘅味道，
同屋企人叫咗个二人餐，有：
半只无骨海南鸡（连秘制酱汁两个，系酸辣汁）
海南鸡超靓，皮同肉中间系冇脂肪嘅，系啫喱层！整得好嘅海南鸡，皮同肉之间系会有层啫喱层先至系正嘢，鸡大哥做到，呢个真系一百分！
正宗海南鸡饭，点少得配埋个鸡油饭呢，两碗都装得满满的，仲有碗靓鸡汤，系有半只鸡脚同冬瓜嘅靓鸡汤啊，只鸡脚仲要系剪咗脚趾㗎！饮完唔口干，系无味精㗎！
小食有两款：1）两粒炸大鱼蛋，真系即叫即炸，上碟时仲系热辣辣㗎！
2）另外𠮶款小食拣咗酸辣汁嘅无骨凤爪沙律，啲配菜超级新鲜，有开边蕃茄仔、紫洋葱、香茅、西芹、芫荽等，海南鸡伴碟𠮶两块青瓜切得靓仔仲好脆好爽口添，头先讲𠮶碗靓鸡汤入边块芫荽都好新鲜翠绿㗎！
甜品可以拣两款，但系屋企人想饮杯嘢，所以佢件甜品就加钱转左杯特饮龙眼冰，我就拣咗件奶茶椰汁千层糕。
奶茶椰汁千层糕好特别，第一次见泰国食店有呢款甜品拣，所以二话不说就叫嚟试吓，虽然奶茶味唔算太浓，有椰汁味搭救，而且胜在够新鲜感，值得一试！
龙眼冰系真系有好几粒龙眼肉做胆，饮饮吓好似觉得除咗普通龙眼肉加水之外，都有种香叶嘅味道，加咗啲黑糖浆制成嘅龙眼冰特饮，好解渴好好饮，又唔太甜。
餐厅店员好Nice，服务好周到，切海南鸡嘅师傅手势好好，切得好靓，半只海南鸡切得好有美感，块冇皮鸡柳系有花边㗎 ！
食食吓听到店员话暂时鸡油饭卖晒，所以鸡油饭真系海南鸡饭嘅灵魂！
餐牌除咗招牌海南鸡饭之外，仲有其他美食，可以下次返嚟再试。
招牌无骨海南鸡（半只）
19 浏览
0 赞好
0 留言
招牌无骨海南鸡饭（二人份）-油饭
12 浏览
0 赞好
0 留言
2 浏览
0 赞好
0 留言
5 浏览
0 赞好
0 留言
无骨凤爪沙律（酸辣汁）
0 浏览
0 赞好
0 留言
小食炸大鱼蛋两粒
9 浏览
0 赞好
0 留言
跟餐鸡汤
3 浏览
0 赞好
0 留言
6 浏览
0 赞好
0 留言
龙眼冰+奶茶千层糕
6 浏览
0 赞好
0 留言
张贴
