海悅海鮮酒家

营业中

休息中

今晚同老父行过李郑屋，谂住早啲食晚饭，点知一肚气。当时全场冇人，门口带位比左张柱边麻雀台我地，谂住星期日正常，但之后佢地啲冇订位熟客，可以座4人台，仲听到个带位同佢地讲，2个人都要座得舒服啲，下？到点菜，想叫个烧羊腩，有个类似经理既人话断左货好耐，佢话样样都有系呢样冇，仲话你地真唔好彩等等。冇所谓，我地叫其他，但当我地差不多食完，见到隔离台佢地啲所谓熟客，居然有羊腩。事后我地问另一位女经理，点解人地有，佢先再支吾以对地问我地要唔要再叫多碟。下，我地茶芥加一都系一样要比架㖞。哦，原来呢间酒楼，要系熟客先好去，唔熟既就有咁既招呼。