Saravanaa Bhavan (已搬遷) 新店位置

香港绝对系一个美食天堂，乜野地方既美食都一定会食到，前晚我就去左一间正宗印度菜既素食餐厅试下，餐厅位于尖沙咀亚士厘道，"Saravanaa bhavan"系连锁式餐厅，响全世界有七十间分店，而香港只有尼一间～餐厅向雅士利中心4楼全层，去到餐厅以为自己去左旅行，感觉似去左印度一样，如果餐厅播埋d印度音乐就一流啦😆因为比较少食印度菜，虽然menu有多款选择，但系花多眼乱🙈，我地就点左一个印度套餐，套餐包括左白饭，三块不同口感既薄饼，同埋十一种配菜、酱料，仲包括酸辣汤同甜品，款式包罗万有，可以一次过试晒多款印度口味😋印度香料偏重口味，所以要配衬薄饼或白饭食，薄饼有三块，薄煎饼、炸饼同印度麦饼，各有不同口感，十多款酱料，我个人就比较喜欢酸咖喱👍🏻，乳酪亦不错；佢声称既酸辣汤就似罗宋汤，而甜品就似椰汁西米露，不过系印度口味改良版～另外我地仲点左个蔬菜班戟，而班戟亦附上四款酱料，尼个充满杂菜既班戟唔需要沾上酱汁会较为好味，表面煎得香，味道不错😋～最后点左一个印度特色甜品“玫瑰炸奶球”，尼个甜品极度超级甜😆，佢系由两个炸面包球将佢浸满糖水，喜欢超级甜既朋友可以一试～