雅 ‧悠蔬食

营业中

休息中

朋友带我去素食餐厅，我都系第一次食，去到门口设计都几靓，有高贵气派感觉，餐厅内座位与座位之间几阔落，而且有梳化位坐得好舒服。黑松露芝士螺丝粉配腐皮鸡脾($158)，螺丝粉每条都挂满黑松露汁，放入口腔成口涌出浓厚既黑松露味，好香好好味，至于腐皮鸡脾卖相已经够精致，外皮系脆，入面系腐皮。担担面($58)，汤底有浓郁花生香味，一啖面一啖汤咁食，唔错。泰式香煎如饼($68)，共4块，炸得好松脆，虽然食唔出馅料系咩，但确实不错，尤其个酱汁辣辣地更惹味。泰式五彩生菜包($118)，选择左少辣，馅料用上好多配料已成，口感层次丰富，记得用生菜包住黎食，好清新，我觉得最突出系沙角因为好爽口。印度薄饼($25)，共有6块，可以点煎如饼个酱黎食又得，可以当生菜包包住馅料黎食亦得，一样咁好味。清润苹果雪梨汁($45)，两种味道比较淡既水果混和一齐，好清新，不过加d冰粒会更好。红石榴苹果汁($45)，颜色都几好睇，面层既泡其实可以饮用，唔使担心的。