貴德宮私房素宴

营业中

休息中

咁呢日呢我哋一台人就有八个啦，预先book定呢一度食素菜。咁就安排左我哋入一间客房，里面有两张大枱，中间有个屏风隔开。 系一啲好新式嘅中餐嘅素菜， 唔再系食𠮶啲豆粉啦𠮶啲用豆品整嘅斋啦，一嚟冇咁多色素，二来唔系油炸嘅健康好多咁其实就预先安排好餐单，去到齐人就有得食。咁总共好似都有好多道菜食完之后其实都好饱好好食。咁讲返每一道菜啦，我觉得最惊艳就系𠮶寿司同埋炸素蚝天妇罗。 𠮶个寿司真系同出面食嘅日本餐厅嘅寿司有得费，啲饭软硬适中个紫菜好香。如果天妇罗里面𠮶只蚝真系好有鲜味，我真系怀疑紧自己系咪食紧素。 另外𠮶度冬瓜酿其他馅料， 同埋大啡菇都好好食，同出面好多中餐厅比，明显好食好多，而且冇咁油腻。我最估唔到嘅仲有一道咖喱鱼蛋，鱼蛋嘅质地同埋味道真系同平时食开嘅鱼蛋一模一样，一咬落去果下真系吓亲我，因为真系超似。成餐饭比我嘅感觉系食得好舒适，而且系一间客房入面，个感觉都比较私人啲。食物嘅质素都唔错都几有惊喜。