無肉食 (已結業)

食咗咁多日油腻嘢，今日长老佢哋话要去食斋，于是去咗将军澳呢间素食自助餐。入到去里面，座位全部都系绿色，好似真系好斋🤣座位好宽敞，枱同枱之间一啲都唔迫，我哋拣咗坐卡位，好舒服。发现都有唔少斋菜选择，职员每隔一阵时间就会倒啲热辣辣嘅食物出嚟，服务唔错！自助餐实在太多嘢食，推介几款自己喜欢嘅食物，我比较喜欢炸物，呢度啲炸物皮比较薄，感觉比较健康。炸茄子、炸秋葵都系我最爱。碗仔翅好足料，有金菇、冬菇、萝卜丝、云耳丝，个翅一啲都唔稀，味道香浓，好好味！浓香瘦肉粥，个粥又热又绵，诚意推介。