御龍軒 (裝修中)

成日见Facebook d friends赞呢间食肆，今日就约个姊妹嚟试一试佢！点知坐咗之后，个姊妹话呢几日食多咗，唔系好想食肉，对于我学佛嘅人嚟讲，求之不得啦（虽然我唔系好虔诚个只)! 反正得两条友，韩烧又唔系，打边炉又唔系，最好都系点𩠌食饭个只！我哋点咗红烧豆腐、罗汉斋同豉油王炒面！唔食真系唔知，竟然好味到不得了！ d豆腐又香又滑，好似食紧豆腐花咁！正到不得了，连d腌汁都配合得天衣无缝！好食过d米猪莲嘅斋舖！罗汉斋都好有水准！虽然炒面就上得迟咗少少，但慢工出细货，果然有酒店水准呀！服务水准一流，waiters 见我哋两个女仔不停口水多过茶，仲主动帮我哋换壶热茶tim，好细心啊！下次等人多d，必定试埋佢个火锅！👍🏻