Kind Kitchen (已結業)

Kind Kitchen系Green Common旗下既高级少少既餐厅，餐牌同Green Common比会有多啲选择，而且仲全部菜式都系冇蛋奶既纯素，vegan们唔洗check啲小标记有冇蛋奶，食都食得舒服自在啲。午餐有set lunch拣，可以配汤或者沙律。今次个汤系南瓜汤，好creamy，唔错。拉面有三款，其中两款主打新猪肉，我就拣左冇植物肉既白龙拉面。唔加植物肉，改用整全食物，有豆腐、菇、莲藕同菜等等，系真真正正既蔬食。个豆乳味噌汤底都好好味，不过就稍嫌唔够热，拉面都系热辣辣咁食系最正。植物肉主要都系吸引食肉兽去试下食少啲肉类，为佢地提供替代品。但有时去得食素，反而会预左系去食下菜呀其他蔬果咁。Kind Kitchen既好处系照顾到以唔同心态食素既人，令素食可以变得更普及。