雅 ‧悠蔬食

营业中

休息中

近排想减肥养下生，所以食左几餐素菜，呢间素菜餐厅系近排食过觉得几值得推介嘅餐厅之一。成间餐厅都系我钟意嘅浅紫色，可以疯狂打卡，少女心满满。餐厅比我想像中多人，疫情之下空枱唔多。野食嘅味道同份量都唔错，我同朋友两个人食，叫左一个餐同小食甜品散叫。餐包两个前菜，一个手卷，一个汤同主食。特别想赞下佢个芒果牛油果手卷，本身以为入面系寿司饭，点知系菜苗，食落几fresh，牛油果同芒果都意外几配，价钱又唔贵，几值得叫。甜品虽然少少邪恶，但系真心好食，个紫薯千层蛋糕唔会太甜，紫薯味都几出。我地另外加钱叫左个紫脆金迷，上面有我最爱嘅芋头雪糕，上面夹左两块酥皮，脆卜卜，点住雪糕几好食。雪糕下面有啲生果同奇阿籽，感觉健康啲。两个人食左唔够500蚊，10级饱肚，几抵食。