文輝墨魚丸大王

营业中

休息中

之前来过一次，果次就唔使等位，不过今次就等咗五六分钟，不过个个都系呢时候返工喇，食早餐肯定都系逼埋一齐喇，最后同个阿伯孖台，我嘅紫菜八宝汤，我细妹嘅紫菜墨鱼丸粉，两样都几大份下，望住就有一种好饱嘅感觉。不过食果阵好唔舒服，因为个位太窄喇，成日都会碰到隔壁嘅人，不过好彩八宝汤嘅好味道安慰番我，汤好清甜，一D味精味都无，我最钟意就系食面果时饮D面汤，不过有时饮完渴到要死，因为太多味精喇，呢个就唔会有呢D事发生。紫菜好好食，墨鱼蛋好正！爽口弹牙，一D都唔觉得有乜面粉，全部都系墨鱼嘅味，其它几样嘢就一般喇，推荐紫菜墨鱼丸。