Purple Cafe (已結業)

经常见到好多女性朋友喺社交平台po相，都系以紫色为主题嘅Cafe，今日终于都轮到我去探店！店内多个场景都非常出片，身为紫色控嘅我，亦都忍唔住疯狂拍照！店内饮品选择亦都好多，而当中比较特别嘅会系芝士系列。我同朋友都钟意比较清爽嘅口感！所以点左超级水果茶及薄荷柠檬蝶豆花，两杯饮品都唔会过甜，除咗口感清爽之外，颜色亦都非常吸引，用嚟影相一流！明太子蟹柳意粉～口味非常特别明太子味香浓，再铺满加上木鱼花，极具和风风味，意粉亦都非常烟韧，口感一流！卡邦尼意粉～芝士味浓嘅卡邦尼意粉，总系西餐厅必备item，酱汁调校得恰到好处，浓稠程度令人满意。一红一白成为强烈嘅对比，偏偏颜色又相衬，拼埋一齐好靓❤️拥有好食又吸引嘅卖相，再加埋店里装修简直完美🥰