瀛燒居酒屋

营业中

休息中

今日收工黎荃湾食晚饭，本身都知荃湾广场后面都多野食，咁岩见到一间新开既居酒屋，就入左去试试餐厅既环境都好日本风，墙上面仲痴住左唔同既日本poster，真系好似去左日本咁呀！黎到居酒屋紧系唔少得叫串烧黎食下啦！我地叫左几串黎食，包括牛舌、免治鸡棒、鸡皮、鸡肝、一口和牛、蕃薯仔同牛小肠等。我就觉得牛舌同免治鸡棒就最好食，鸡棒再点埋生蛋黎食，味道紧加嫩滑，真系另一番风味。我地另外仲叫左明太子鸡翼同明太子玉子烧，玉子烧做到一层层既口感，再配埋明太子，味道相当夹。而明太子鸡翼，鸡肉里面满满都系明太子，加上鸡肉相当嫩滑，明太子控真系值得一试呢两款小食！烧鱼干，一上菜就闻到一阵阵既鱿鱼香味，切得细细地，但几有口感，不过略嫌要整得唔够干。最后一样𩠌当然唔少得就系食寿喜烧啦，寿喜烧入面有肥牛、金菇、同菜，另外仲有粉丝添，再加埋生蛋捞埋一齐食，相当惹味。如果唔够食既话，仲可以配埋个白饭食。饮品方面就叫左青苹果特饮同埋蜜瓜特饮，味道不过不失，不过蜜瓜特饮就有d甜，如果中意饮甜既话，都可以试下。