北斗

营业中

休息中

而家有港铁站，去九龙城方便到不得了。同闰蜜黎呢度寻宝，寻到呢间评价唔错嘅日式餐厅。玄米茶加自家渍物做opening，已经好期待跟住落嚟嘅菜式～由淡至浓，刺身相当鲜味肥美，鱼油喺口中慢慢渗出个种滋味超正。时令刺身都讲究部位，例如5、6、7月时令系深海池鱼，背部做刺身，腩肥美嘅油做炙烧，用最适时当造嘅食物，配上恰当烹调，可算系omakase嘅精粹。师傅用自家磨天妇罗小麦粉，所以炸物嘅外层系非常薄脆，有马花椒日本鸭胸、腌制蟹籽夹醋青鱼，当中少少岩盐少少自己调味，每口食得出烹调嘅细腻，尤其鸭胸，香脆表面内藏厚实嘅鸭胸，相当好味！呢个季节最适合饮梅子汤，大大粒梅子，慢慢越来越浓嘅梅子香味，岩哂我！啖啖肉三仓伊势龙虾，连汤饮埋，厚实多肉爽口，有少少汤嘅咸味，超级好味！我拣咗明太子茶渍饭，辣辣地又有鲜味，好岩食嘅夏天渍饭。甜品系柠檬雪芭，冰凉又酸酸地，仲有两粒精致嘅麻薯，完美呀。日本厨师Watanabe san好nice，讲左好多佢地日本有报嘅嘢比我地知。笑下食下，静静地好enjoy呢餐美味嘅寻宝之旅。