WATERMARK

营业中

休息中

话说呢间餐厅开咗一段时间，前排个个朋友都打卡，因为享有无敌大开景，而且听讲啲嘢食都唔错。终于呢晚约咗五个人去食，由前菜到主菜到甜品，全部都好大份，而且卖相精美。最重要系好多呢啲酒靓餐厅路线有时都系未必好食，但呢度都打破咗我嘅观感。前菜嘅荷兰复古蕃茄同龙虾汤，龙虾汤唯一个问题就系唔系好够热，但味道合理正路，甜菜头及布拉塔芝士都系唔错，爱芝士一定会爱上，仲有香煎北海道带子同后面嘅浅渍油甘鱼最深得我心，佢油甘鱼浅渍得好特别。主菜够多人就食到好多野，三黄鸡肉卷，西班牙伊比利亚黑毛猪同烩牛面颊肉都各有出色之处，三个都可以话要试。我最爱系佢地个深海白鳕鱼，至于M7 和牛板腱扒，用得咁靓嘅料都知道味道唔会有大问题，反而如果你唔够多人就要谂吓食边个主菜较为好少少。至于当晚女士很多，所以甜品都可以扫餐牌，芝士蛋糕，白酒烩梨、咖啡意大利芝士慕丝同芒果椰子蛋白脆饼。当然要讲呢度啲Cocktail都几靓，试左几杯都无乜伏，呢间绝对值得同朋友casual食饭又或者table for two，重点系有海景有嘢食而价钱都唔太贵。