貴緣小鍋米線

营业中

休息中

贵缘云南米线系米线关注组都好出名，不过由于比较少去红磡，所以一直都试唔到。之后发现佢系奥运开番开左，身为米线Fans，就二话不说即刻要试一下。地方都近奥运站，店舖都几大，所以去食都方便。见到呢度㨂米线几特别，估唔到好似拉面咁有得拣浓度，咁我今次拣左一碗10分浓麻辣同5分浓招牌酸辣比较一下，另外仲叫左小食！10分浓米线一上枱见到汤底颜色够晒深，试左一啖味道同质感够浓稠，岩晒重口味的我，配料如芽菜、韮菜同埋肉碎都唔吝啬。米线相对比较幼细，煮得入味但唔会过淋，做得唔错。至于酸辣就有小窝的味道，5分浓其实都够味，仲可以好舒服饮晒啲汤。至于𩠌料方面，贵缘选择都几多，我就叫左出名的鸡丝山、罗白、红肠、墨鱼丸同鱼腐。鸡丝山份量好多，撕得够幼，所以浸完汤就好入味。罗白大旧无渣，食落仲渗到阵阵甜味。至于红肠、墨鱼丸同鱼腐就正常发挥！之后就要试小食，叫左米线店比较少有的酸斋同埋独有的巴蜀狂惹鸡翼。酸斋份量好多，甜酸度适中，几好食。至于鸡翼系有湿润的感觉，烤得香口，加左蜜糖甜甜地的味道，最正系鸡翼面加左唔少黑椒，增强刺激的辣味。#米线 #米线关注组 #贵缘云南米线 #米线控 #奥运美食 #米线关注群组 #h