劉興記生煎包專門店

营业中

休息中

之前食过呢间嘅生煎包，只可以外卖，或者企喺度食，原来而家已经可以堂食，见到忍唔住坐低食个下午茶。点咗两个原味，两个蟹黄生煎包，原味依旧爆汁，外脆内软，最精彩当然系唔使咬，轻轻笃烂外皮，啲汁汹涌流出嚟，汤汁可以多到成个匙羹都系，真系非常犀利，真系好好味。未食过蟹黄味，一于试吓，爆汁方面冇原味咁多，不过多咗蟹嘅香味，而且蟹肉连同猪肉一齐食，鲜味加倍。葱油拌面只系$30 ，好大碗，豉油同埋葱捞埋一齐，饱肚之选。由小店做到可以堂食，都一样咁好食，难怪咁多年都咁受欢迎，连发哥都帮衬就知道一定好味啦。忍唔住自己食完，都要买番少少俾小朋友。