Diletto (已結業)

Diletto地點好方便，係尖東，P出口行少少就到。餐廳環境好清靜，枱與枱中間唔會太近，周圍有花草裝飾，比人好清新嘅感覺，唔焗促，好舒服，可以好寫意咁用餐。 點菜後送上烘得剛剛好嘅麵包，暖笠笠，配上我最鐘意嘅意大利醋，可以食好多，但要留肚食主菜。話明係7周年，當然唔少得飲杯香檳慶祝下啦~~~前菜有蟹肉凱撒沙律，蟹肉要花少少功夫拆殼，好新鮮。我地分別點了龍蝦湯及蘑菇湯，龍蝦湯湯味濃相對蘑菇湯有點失色，無乜蘑菇味，亦唔夠creamy別外仲有幾款前菜，十分精緻。來到主菜，有Barrramundi Fillet魚柳及Rib Eye Steak牛扒點左5成熟，有3款調味料跟住：燒汁、芥辣、鹽。牛扒肉厚，切開時已有豐富肉汁流出，肉質鮮嫰，唔點任何調味都已經好好食，如果要配上調味，個人比較中意燒汁。至於魚柳，唔好睇件魚柳細細塊，其實有2塊，好嫩，煮得剛剛好，配埋其他蔬菜配料，份量好充足，味道略淡，如果有D汁點下就好~~~甜品點了心太軟，可以預先ORDER係甜品碟上寫字。心太軟上枱時，我地用左好多時間影相，預左D流心會因為蛋糕本身嘅熱力而變硬。點知我地影完相，10分鐘過後，切開心太軟，朱古力仍然好澎