影片
更多
2022-11-22
30 浏览
期待咗好耐嘅餐厅🤍自选五𩠌车仔面 $63第一次叫五𩠌嘅车仔面，平时都系叫开三𩠌🤣因为今次同朋友share一碗，所以可以嗌多啲料一齐食！我哋嗌咗香辣鱿鱼、鸡中翼、豆卜、萝卜同埋生菜，面底系幼面，酱汁方面拣咗腩汁同小辣。个人最钟意食佢嘅豆卜同萝卜，因为佢哋索完啲汤之后真系好Juicy！鱿鱼都好好味，非常爽口！招牌鲜炸肉丸 $30呢个炸肉丸外脆内软，有啲家的味道，因为同我屋企平时整开嘅好似！肉丸加咗洋葱，所以会食到有少少爽脆，而且好鲜甜！招牌煎饺子(芝士粟米&韭菜) $42呢个饺子真系超出色，朋友食完忍唔住大赞好味，仲即场买咗一打生饺返屋企煮！我哋都好钟意佢嘅芝士粟米煎饺，因为啲芝士可以拉丝，同平时用片装芝士𠮶啲饺子嘅味道完全唔一样！佢嘅韭菜饺都唔错，猪肉同韭菜嘅比例啱啱好，而且Juicy。爆浆阿华田西多士(朱古力榛子酱) $33作为西多士同阿华田嘅爱好者，呢个西多真系超啱我胃口！之前见到其他foodie post已经好想食，今次终于试到！佢个西多士可以拣朱古力榛子酱同埋花生酱，我哋拣咗朱古力榛子酱。西多士食落每一啖都有香浓嘅阿华田同榛子味，真系好邪恶，但好好味啊！而家一路打又一路好想食，真
自选五𩠌车仔面 $63
第一次叫五𩠌嘅车仔面，平时都系叫开三𩠌🤣因为今次同朋友share一碗，所以可以嗌多啲料一齐食！我哋嗌咗香辣鱿鱼、鸡中翼、豆卜、萝卜同埋生菜，面底系幼面，酱汁方面拣咗腩汁同小辣。个人最钟意食佢嘅豆卜同萝卜，因为佢哋索完啲汤之后真系好Juicy！鱿鱼都好好味，非常爽口！
招牌鲜炸肉丸 $30
呢个炸肉丸外脆内软，有啲家的味道，因为同我屋企平时整开嘅好似！肉丸加咗洋葱，所以会食到有少少爽脆，而且好鲜甜！
招牌煎饺子(芝士粟米&韭菜) $42
呢个饺子真系超出色，朋友食完忍唔住大赞好味，仲即场买咗一打生饺返屋企煮！我哋都好钟意佢嘅芝士粟米煎饺，因为啲芝士可以拉丝，同平时用片装芝士𠮶啲饺子嘅味道完全唔一样！佢嘅韭菜饺都唔错，猪肉同韭菜嘅比例啱啱好，而且Juicy。
爆浆阿华田西多士(朱古力榛子酱) $33
作为西多士同阿华田嘅爱好者，呢个西多真系超啱我胃口！之前见到其他foodie post已经好想食，今次终于试到！佢个西多士可以拣朱古力榛子酱同埋花生酱，我哋拣咗朱古力榛子酱。西多士食落每一啖都有香浓嘅阿华田同榛子味，真系好邪恶，但好好味啊！而家一路打又一路好想食，真系回味无穷！
张贴
