影片
更多
2023-02-12
1050 浏览
庆祝梗系要食好D, 今晚黎到尖沙咀食厨师发办. 餐厅日本风格装修, 用上全木材料, 高雅舒适! 师傅一对一服务, 轻松享受师傅安排既食物同细致既刀工! 今晚食物有刺身, 和食, 寿司, 汤同甜品. 小碟有日本蒜头, 牛膀, 渍萝卜.前菜水云渍, 带微酸, 少爽口, 开胃! 慢煮鸭胸配芥末, 嫩滑味香. 萤光鱿鱼, 清爽可口!薄切鲛鲽鱼, 里面卷左日本葱花, 鱼香味鲜. 另外有烧过既鲛鲽鱼裙边, 好肥美, 炙烧后油脂更丰富更香.九洲长崎小长井生蚝, 好大只, 肉质饱满, 配土佐醋啫喱同柚子皮, 蚝鲜甜, 香味突出!鹿儿岛间八鱼, 上面上腩部位, 配辣面豉. 下面系炙烧过既腩位, 配上柚子胡椒,酱, 厚切有口感, 鱼既鲜味入口已经渗出!师傅话系北海道喷火湾捕获当造既新鲜希灵鱼, 原条起肉, 师傅用心细切多刀, 分解极细既鱼骨, 令客人食得安心, 炙烧后配上芽葱, 当造既希灵鱼油份极多, 满口滑嘟嘟! 爱知县出产既象拔蚌, 添上柚子皮碎同青柠, 先满足嗅觉, 脆卜卜既肉质, 鲜甜味美.煮熟既北海道毛蟹, 属于蟹既大脾位置, 下面有蟹肉蟹膏, 蟹味鲜甜仲带有海水鲜味, 好似即捕即食咁!中吞拿鱼
庆祝梗系要食好D, 今晚黎到尖沙咀食厨师发办. 餐厅日本风格装修, 用上全木材料, 高雅舒适! 师傅一对一服务, 轻松享受师傅安排既食物同细致既刀工! 今晚食物有刺身, 和食, 寿司, 汤同甜品. 小碟有日本蒜头, 牛膀, 渍萝卜.
前菜水云渍, 带微酸, 少爽口, 开胃! 慢煮鸭胸配芥末, 嫩滑味香. 萤光鱿鱼, 清爽可口!
薄切鲛鲽鱼, 里面卷左日本葱花, 鱼香味鲜. 另外有烧过既鲛鲽鱼裙边, 好肥美, 炙烧后油脂更丰富更香.
九洲长崎小长井生蚝, 好大只, 肉质饱满, 配土佐醋啫喱同柚子皮, 蚝鲜甜, 香味突出!
鹿儿岛间八鱼, 上面上腩部位, 配辣面豉. 下面系炙烧过既腩位, 配上柚子胡椒,酱, 厚切有口感, 鱼既鲜味入口已经渗出!
师傅话系北海道喷火湾捕获当造既新鲜希灵鱼, 原条起肉, 师傅用心细切多刀, 分解极细既鱼骨, 令客人食得安心, 炙烧后配上芽葱, 当造既希灵鱼油份极多, 满口滑嘟嘟!
爱知县出产既象拔蚌, 添上柚子皮碎同青柠, 先满足嗅觉, 脆卜卜既肉质, 鲜甜味美.
煮熟既北海道毛蟹, 属于蟹既大脾位置, 下面有蟹肉蟹膏, 蟹味鲜甜仲带有海水鲜味, 好似即捕即食咁!
中吞拿鱼腩, 捕于京都伊根町, 呢度既吞拿鱼品质超肥美, 油脂量超丰富, 配少少竹炭盐同wasabi, 已经令人满载幸福感!
大吞拿鱼腩, 属于鱼鲛位置, 正常大吞拿鱼腩已经好满足, 而且呢件系伊根町品种再炙烧, 配上日本葱, 中和油腻感. 入口即溶, 油香同鱼鲜味系口里面逗留左一晚!
甲鱼汤用上京葱, 舞茸, 蔬菜, 同埋甲鱼裙边切粒. 清炖浓汤, 消一消口里面既油腻, 再继续下一轮食物.
日本柑桔, 微微酸, 带甜味, 带香味既柑桔皮, 半粒放入口, 即时帮助个胃消化. 增添食欲感!到寿司时间, 基本上每件寿司肉质都超上品, 鲜味十足, 跟本唔需要怀疑.
深海池鱼油份高, 一下就滑左入喉咙.
赤贝绝对唔腥, 少少腥味都无, 爽脆
生北寄贝, 新鲜既象征, 同样爽脆甜美!
北海道根室马粪海胆, 极品中既极品, 鲜甜度超班, 仲要份量满足!
北海道银雪鱼, 炙烧后配柚子胡椒酱, 油份紧次于吞拿鱼, 香味十足!
北海道樱鳟鱼, 同样经炙烧, 配姜蓉酱, 天然樱鳟鱼品种稀少, 香港都唔系间间食到, 而且运到港后要经特别处理, 矜贵.
匈牙利鹅肝, 香味浓郁, 入口即溶, 配上龙珠果啫喱, 消一消油脂.
面豉汤同一般面豉汤不同, 虽然外表正常, 但味道极浓, 虽然无乜材料, 但系鲜味十足!
绿茶奶冻超浓既绿茶味, 奶冻滑嘟嘟, 甜品一绝, 食多多都唔够!
张贴
