嶺南樓

营业中

休息中

经济实惠岭南楼住咗喺呢度咁耐，都无喺岭南楼食过饭。今日阿爸过嚟，所以就带咗佢去岭南楼饮茶。本身会以为好少人，但见起码都有六七枱客，以星期六来讲，比我想像中多人，始终今日唔系上学日。点左几个点心同埋一碟菜，质素都OK。炸嘢就唔够热，蒸点心就好热好新鲜。芝士虾春卷、咸水角：嚟到嘅时候暖暖地。我初初以为咁小客，应该系即叫即炸，不过应该都唔系啦，味道都OK嘅。虾肠粉、虾饺、粉果、蒸土鱿：全部热辣辣，肠粉都几滑，其他点心都不错。流沙奶皇包：真系流沙嘅，不过包皮有啲韧，可能系返蒸。三个人食咁多嘢，都系$200，真系非常抵！性价比好高，得闲会再嚟食。