蛇王協

营业中

休息中

秋风起，乜野肥大家都知喇，梗系三蛇肥喇呢间蛇舖都算历史悠久，最近都小装修过，比之前光猛左。下昼都咁多人帮衬，试过夜晚嚟要排队添。白板贴满女蛇王d威水野，包括中英文报纸d访问，中外名人帮衬d相。BTW,女蛇王后生时真系几靓女新嘅蛇柜摆左喺舖头靠后位置，以前系有蛇喺入面。现场问个店员d柜筒而家重有冇蛇，佢话夏天就冇，冬天就有，因为冬天会有客嚟食生蛇胆。以前食蛇羹时见过店员即场刮过蛇胆出嚟，个客用酒成粒吞落肚是日都见有伴食蛇羹嘅柠檬叶，但薄脆就唔见影㖞，why?食晒补充唔切？蛇羹都保持倒以往水准嘅，热度够，用料足，稠浓度亦啱啱好，调味都ok,唔算咸。糯米饭个卖相就麻麻地，系好随意咁毕落去，搅到碗边都有d饭，肉酸左d。但食落又OK㖞，饭软梗度适中，用料同调味都唔错。几拾年如一日，重系用紧最原始嘅手写单，街尾蛇王X已改用电子单喇。不过都完全无伤大雅嘅，嚟食野唧，又唔系食张单。一年都会食几次蛇羹，呢间蛇铺d野都算维持倒以往嘅水准嘅，而且店员d态度都几好。