蛇王協

营业中

休息中

11月21日揾食肥華和靚媽，食咗今年第一餐蛇宴食到尾聲，當女蛇王周嘉铃，出埸推廣自己店舖商品，肥華方知，呢圍蛇宴食品喺由，老牌名氣店，蛇王協主理，至於今餐食品評價。(1)花膠雞絲燴五蛇羹，味道不及西環嘅但又遠勝官塘不過啲蛇羹杰度肯定比喺，此店深水埗蛇店內食嗰碗較稀，味道亦算OK。(2)百花炸蛇丸，有好重檸檬葉味，配合埋啲蛇肉同魚肉，都算可口。(3)瑤柱花膠扣玉掌，全晚最出色嘅菜，鵝掌炆得入味夠淋，花膠份量又足。(4)枝竹炆羊腩，份量少，骨多過肉呢煲羊肉唔合格。(5)上湯灼唐生菜，份量味道均可以。(6)花旗參竹絲雞燉五蛇湯，飲到有花旗參及雞湯味道，算好飲。(7)金牌炸子鷄，皮脆肉滑不負此店金牌之名。(8)籠仔荷香蒸大鱔，份量不足，鱔分切得好薄，味道偏咸，喺失敗之作。呢圍公會蛇宴值👍👍😋

我都算係上一代嘅人，每逢秋天都總會找藉口進補，蛇羹係不二之選。上年4月福安嘅蛇王海光榮結業，要食蛇羮就變得唔容易。每次去鴨寮街，都會途經蛇王協，但就從未幫襯過。一行入去，嗰種舊式蛇舖嘅回憶返晒嚟！同幾十年前嘅分別，就係蛇籠裏面冇咗活生生的蛇。蛇羮十分足料，雞絲 木耳 蛇絲，再加少許檸檬葉絲同薄脆，補唔補身我唔知，味蕾同個肚就好滿足啦！開餐途中，聽到男店員不停向一對老夫婦sell佢哋嘅蛇宴，炸蛇碌 羊腩煲 炸蛇丸⋯⋯聽到口水都流！是日消費：蛇羮(細） $53

之前天氣凍，突然想懷舊下。。。老店真係老店，勁足料👍🏼牆上面嘅手寫menu咩都有：鱷魚尾湯、燉山瑞湯、龍鳳煲仔飯勁足料蛇羹土茯苓蛇龜湯薑蔥灼蛇皮 （真係一試難忘，once in a lifetime)

本想年初三買來試試, 但只買到閉門羹, 最後只好擇日重賽.剛在電腦商場買了兩只64G的USB手指. 買的時候, 只顧看款, 看不見原來買了一只USB2.0... 怪不得被駡全世界都買不到64GB...叫了一個糯米飯2個大蛇羹. 糯米飯很香很好味. 相反, 蛇羹很清很淡... 甚麼味道也感覺不到. 從未吃過那麼淡的蛇羹...肉質很多, 只是有超細微"韌" (別家很多時都會"黐牙") 料有點碎的感覺, 不是很大條.

第一次食蛇宴覺得幾值得食，全部睇得出係用心制作，幾時話中菜真心難自己可以整到🤣，出去食最輕鬆選擇🙂淮杞烏雞八對蛤蚧燉湯好清唔油膩生扣野生大山端 食落似燉排骨咁秘制炆蛇腩有點似灣咗鰻魚咁生炒蛇崧生菜包蛇崧 感覺似炒豬肉龍飛鳳舞 （炒蛇片鴕鳥肉）肉質有點煙韌，有時候有啲爽口嘅感覺金龍獻珠 （炸蛇丸）感覺都係似炸肉丸太史五蛇羹 （每人兩碗）食到有時有啲蛇蘇味肉，有時又覺得似雞肉蛇膽酒一斤中式嘅酒聞落都係似跌打酒咁樣，倒出嚟係綠色酒，飲落似跌打感覺，大概浸咗4年，洒精含量約20-30%無圖： 古法白切雞：好一般，唔知係咪因為隻雞冇乜肉蛇汁時蔬：冇咩特別滋味生炒糯米飯：普通正常味汽水三升啤酒兩樽12人一圍 HKD$4,560

去開深水埗行街唔知食乜好，經過🐍“蛇王協”試下都好喎！🐍大蛇羹$85Woo大碗得嚟又足料，蛇羹以蛇肉絲主要材料的羹，配有🐔雞肉、🐷豬肉、🐍蛇骨、木雲絲、薑絲。食完能行氣活血，暖身。🐍食蛇羹點可以少得蛋薄脆、🍋檸檬葉、白胡椒粉、芝麻油、浙江醋等。能提升味道😋，🐍蛇肉更大大嚿🤤。👍舖頭內亦有多種用蛇做的食物

見到食評話好正，專程去深水埗試下蛇𡙡，有離座食客離開後也沒有抹枱，感覺不很衛生。蛇𡙡材料一般，蛇肉是鬆散的，有木耳作配，味道可說十分清淡無味，坊間不少比它出色的。 枱上有提供檸檬葉和薄脆，可惜薄脆有些淋，不脆的，而且似乎有段時間沒添加新的，蛇湯亦是淡而無味，無乜特別，糯米飯細細碗，有碎臘腸，蝦米等，味道不錯，總結來說，不要隨便相信視頻推介，各項因素，又或者佢哋果碗真係會特別好食，信自己才是真的。

天氣開始涼，正所謂秋補冬藏，係時候食蛇羮打好個底迎接冬天來臨。同朋友傾開話好耐無食過蛇宴，以前好多時去的工會食但而家好少見，有人提議不如去蛇舖食，諗住貨真價實好過去酒樓食味精，本身打算去中環蛇王芬但朋友話深水埗都有幾間老店，而且佢地有椒盬蛇碌食，最後就決定去蛇王協，始終有的名氣。當去訂嘅時候原來蛇舖冇位要轉去附近酒樓，但唔知邊到，既然都去到是旦啦，到食個日中午都冇人回覆就打去問，結果派去石硤尾－酒樓。去到發現環境都唔錯，－定比蛇鋪濶落，當晚有成10張枱而酒樓亦分咗二樓食蛇宴，心諗塞翁失馬焉知非福。上第一度蛇羮，真係正，每人分兩碗半，個個食得好開心，然後炸蛇丸，感覺都唔錯，但只係暖暖地，唔知係咪炸完再送過嚟，都有七拾分，然後係大家好期待嘅蛇碌，又唔熱，唔香，唔脆，大家心知不妙，之後蛇腩，炒蛇片都麻麻，或者雪藏貨，失望。雞一般，薑㯴只有薑沒有蔥，失敗，蚊所謂山瑞，似煲湯豬肉，得個霉仔，湯可以有好重葯材味，最後上生炒糯米飯，唔似炒，只係隔水蒸再加花生蔥同幾片臘腸，豉油都忘記落。整體而言，緊緊合格但失望，或許蛇宴已不合時宜，用的雪藏材料怎會有鮮味，跟二三拾年前無得比，以為食蛇羮算。

famous and well know 😌 's Snake 🐍 queen 👸 their snake soup has been report by lots of international TV programs. I like her #五花蛇羹 ( #snakesoup ) hope can try their #椒鹽蛇碌about #五花蛇羹 ( #snakesoup ), you can lemon 🍋 leaves and crispy cracker to bring up some favorite. Some restaurants use white daisy flower as well.I also share the old newspaper which she caught a big snake and reported by local newspaper.#snakequeen #蛇女🐍👸 🐍👸 🐍 👸🐍 蛇王協深水埗鴨寮街170號

___________🏖餐廳環境🏖___________ 近日秋風漸起，在街上走走都感到寒意，剛好經過蛇王協，看到顧客在吃暖呼呼的蛇羹，口水就不自覺湧出來了。 內裏環境非常有懷舊風味，牆上貼滿不少名人的合照，林林總總的蛇製品🐍，當然有一個又一個的木櫃，寫著“內有毒蛇”😖實在令人想一探究竟。- _____________🍽食物🍽_____________🐍蛇羹(大) $88推介指數 ■■■■■是次光顧外賣自取蛇羹，內裏非常足料：木耳、冬菇、雞肉......主角當然是蛇肉，大大嚿， 絕對不馬虎。另外，蛇羹當然要配檸檬草和薄脆， 今次姐姐好好還給我多了一包薄脆💓，暫時是我吃過的蛇羹裏，數一數二好吃的。-🍚糯米飯加潤腸 $22+$13推介指數 ■■■□□本來眼見糯米飯分量不多，以為不夠飽，但最後竟然差點吃不完 果然糯米還是容易滯胃的東西！這次蛇王協的糯米飯顏色較淺（但看到openrice 內其他食評的糯米飯顏色較深)，而且臘味數量不算多，花生更要另外加3元。是次🌶📝加了一條潤腸，潤腸味道濃陏，口感鬆化，但內裏頗多粒粒肥膏，油膩感重，而且腸衣非常厚和韌， 完全不能咬開，所以最後只能吃裏面腸肉，把

早排適逢天氣終於變冷，黎到十度以下，又無咩胃口，於是就去買個蛇羹同湯暖下胃。本來個胃有d唔舒服，飲完個熱湯即刻舒服曬，味道少少藥才味，感覺非常補身而且好味今次我就叫左細碗蛇羹，附送一包脆脆。味道濃郁，入面有冬菇木耳絲，蛇肉都幾大嚿，彈牙有嚼勁，份量正正常常味道唔錯，果然係老字號，會再幫襯

天氣呢幾日又涼返d，想食碗蛇羹暖暖身，上網搵到幾間老字號，咁岩要去深水埗買賀年用品，一於試吓「蛇王協」避開繁忙時間，當日3點左右到達，見到勁多街坊都黎幫襯，等左10分鐘左右就有位坐蛇羹相當足料，有蛇肉、雞肉絲、木耳絲、冬菇絲等等，比例恰到好處，羹湯裡面嘅藥材味道也拿捏得好好，唔會太濃郁，而且唔會食落好杰，口感十足。蛇肉一啲都冇欺場，非常肥美，店員隨意舀，都有數塊係表面😂仲要係大大塊，驚死你睇唔到咁😵‍💫😵‍💫味道其他同碗仔翅分別不大，只係多左份中藥味道🤡🤡所以整體感覺都ok

近日氣溫急降，週日經過即刻去食返碗蛇羹暖暖身😋，排隊大約15分鐘左右入座，食飽走嗰陣見到條隊排到去格幾個舖位。蛇羹(細碗，$50)，足料蛇肉大大舊，味道好合宜，食咗半碗個身已經暖笠笠，必食之選；糯米飯($20)，落單後咁啱賣哂，要即炒所以等得耐咗啲啲，有少少濕，味道正常，值得一試；等緊糯米飯嗰陣叫咗碗蛇龜湯(大碗，$30)，一飲就知有料到，味道香濃，回味無窮。<另有蛇宴提供，每席$4,080(十二位用)>因為堂食坐位不多，假日去食的時候，留意排隊時間會比較耐，建議可以外賣回家慢慢品嘗。

呢間位於深水埗鴨寮街170號地下，店舖叫”蛇王協”，呢間店一啲都唔難搵，深水埗地鐵站A2出口，向左手邊行前幾個舖位就會見到，一去到就知道呢間店舖有歷史，因為裝修有七、八十年代感覺，好食的店舖往往都要排隊，今次去到都要排，不過排隊時間是可以接受的，一坐抵當然必定要食蛇羹，有分大、小，大碗HKD80，細碗50，當然要配埋糯米飯及臘腸啦，糯米飯HKD20一碗，加HKD12有一條臘腸，臘腸可以選擇潤腸或普通臘腸，一碗細蛇羹+一碗臘腸糯米飯我已經好飽，好滿足，好好味。另外一提可以買佢地自家製蛇膽陳皮，止咳化痰勁有效，一包細細包，已經要HKD55，但絕對值得，老闆教我用半包焗水飲效果好好的。

天氣終於有點凍了，想食碗蛇羹暖暖身。去深水埗逛街，在網上搜尋看看有沒有賣蛇羹的店，原來都有兩間，這店近我行的位置，所以就選了這間。買了碗蛇羹還想買生炒糯米飯，才下午兩點已賣完了，只好吃蛇羹算了。蛇羹分小碗和大碗，我買了大碗回家和家人分享，外賣蛇羹都附有薄脆和檸檬絲。回家打開碗蓋，看到滿滿一大碗蛇羹內材料豐富，蛇肉有粗有幼，湯羹入口黏稠，鹹度適中，味道佳。放上薄脆和檸檬絲同吃，又另有風味。吃飽全身也溫暖，確是冬天的好食品。